Palicyja zładziła maštabnyja pieratrusy ŭ supracoŭnikaŭ štaboŭ Navalnaha. Jany iduć u 30 haradach
Ranicaj 12 vieraśnia pa ŭsioj Rasii pačalisia pieratrusy ŭ supracoŭnikaŭ štaboŭ apazicyjnaha palityka Alaksieja Navalnaha.
Kiraŭnik mižnarodnaj pravaabarončaj hrupy «Ahora» Pavieł Čykaŭ paviedamlaje, što pieratrusy prachodziać u 29 haradach, u kožnym pa niekalkich adrasach.
«Miedyazona» piša, što apieratyŭnyja mierapryjemstvy iduć u 34 haradach: heta Krasnajarsk, Kazań, Ivanava, Nižni Noŭharad, Kurhan, Sarataŭ, Varoniež, Murmansk, Omsk, Uładzivastok, Novasibirsk, Jekaciarynburh, Ciumień, Tomsk, Arenburh, Čelabinsk, Kiemierava, Lipieck, Bałakava, Krasnadar, Čabaksary, Chabaraŭsk, Pierm, Biełharad, Rastoŭ-na-Donie, Pienza, Tamboŭ, Irkuck, Pieciarburh, Staŭrapal, Ižeŭsk, Archanhielsk, Jarasłaŭl, Barnauł.
Pieratrusy źviazvajuć z kryminalnaj spravaj ab admyvańni hrošaj u Fondzie baraćby z karupcyjaj, zasnavanym Alaksiejem Navalnym. Pa dadzienych byłoha kiraŭnika pieradvybarčaha štaba Navalnaha Leanida Vołkava, raniej sud dazvoliŭ pravieści ŭ ahulnaj składanaści 94 pieratrusu ŭ ramkach hetaj spravy.
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary