29 vieraśnia — Kamockaja, Pamidoraŭ, Varaškievič, Chamienka ŭ kancercie pamiaci Vitaŭta Martynienki
Minsk, Pałacy kultury imia Šarko (Uralskaja, 3). Pačatak a 19.00.
Aŭtaru aznačeńnia «biełaruski rok» 29 vieraśnia spoŭniłasia b 60 hadoŭ.
Biełaruskija muzyki ŭšanujuć pamiać muzyčnaha krytyka Vitaŭta Martynienki, jakomu b 29 vieraśnia spoŭniłasia 60 hadoŭ. U hety dzień
Kasia Kamockaja, Alaksandr Pamidoraŭ, Aleś Lutyč, Ihar Varaškievič, Aleh Chamienka, Andrej Plasanaŭ, Aleś Kamocki i inšyja hieroi knih aŭtara vystupiać z akustyčnym kancertam u Pałacy kultury imia Šarko (Uralskaja, 3) ŭ Minsku.
«Nieviadoma, jak by siońnia vyhladała naša muzyka, kali b nie było Vitaŭta. Ale jon byŭ, i my majem vybitnych biełaruskich artystaŭ, anšłahavyja kancerty i biełarusaŭ, jakija viedajuć i słuchajuć svajo. Vitaŭta Martynienki niama ŭžo try hady. My dumali, jak ušanavać jaho pamiać, i voś vyrašyli heta zrabić da jubileju. Sioleta Vitaŭtu spoŭniłasia b 60 hadoŭ», — raskazvaje arhanizatar kancerta, pradusar Vital Supranovič.
Da kancerta budzie vydadzieny zbornik piesień, napisanych na vieršy Martynienki abo pierakładzienych im.
Vitaŭt Martynienka — žurnalist, piśmieńnik, muzyčny krytyk.
Pracavaŭ u «Čyrvonaj źmienie», na Biełaruskim telebačańni i radyjo «Svaboda», arhanizavaŭ pieršy biełaruski muzyčny chit-parad. U 1985 hodzie razam z Anatolem Mialhujem stvaryŭ pieršy ŭ Biełarusi rok-kłub «Niamiha». Udzielničaŭ u arhanizacyi festaŭ «Try kolery», «Basovišča». Aŭtar muzykaznaŭčych knih «Praz rok-pryzmu», «222 albomy biełaruskaha roku i nie tolki», «Rock on-line». Pamior 17 krasavika 2016 hoda ad uskładnieńniaŭ dyjabietu.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j15
Kamientary