«U SSSR było šmat čaho dobraha». Fitnes-trenierka Natalla Navažyłava idzie ŭ deputaty pa akruzie Maryi Vasilevič
Viadomaja ŭ 1990-ja fitnes-trenierka Natalla Navažyłava budzie bałatavacca ŭ deputaty. Inicyjatyŭnuju hrupu jana zarehistravała ŭ Kalvaryjskaj akruzie №104 — tam ža, dzie i 22-hadovaja «Mis Biełaruś» Maryja Vasilevič.
Navošta treniercy deputactva?
«Ja nieabyjakavaja da palityki, ekanomiki, sacyjalnaha ładu dziaržavy. Nieabyjakavaja da taho, chto jak zarablaje, vučycca, u kaho jakija lhoty.
Ja za sacyjalnuju dziaržavu. Šmat čaho ŭ Savieckim Sajuzie było dobraha. Saviecki Sajuz pakazaŭ usiamu śvietu, jak dla nasielnictva možna zrabić biaspłatnuju miedycynu i adukacyju.
Mnie padabajucca hetyja sacyjalnyja zavajovy našaj byłoj krainy, liču, što ich addavać nielha. Naš prezident robić usio pravilna, bo ŭ nas dahetul trymajecca biaspłatnaja adukacyja i miedabsłuhoŭvańnie».
Natalla Navažyła dadaje, što budzie vystupać za adnaŭleńnie dziciačych spartovych škoł, jakija raniej byli biaspłatnyja. «Ich my krychu stracili. Raniej u nas u kłasie nu dva-try čałavieki — poŭnyja, z prablemami z sercam — nie zajmalisia. Usie astatnija chadzili ŭ spartyŭnyja siekcyi — chto na tenis, chto na płavańnie».
Jašče adna pryčyna, čamu trenierka vyrašyła bałatavacca ŭ deputaty, — uzrost.
«Ja kaliści viała i pa piać, i pa šeść kłasaŭ na dzień. Ale ŭžo nie toje zdaroŭje — čas pieradavać vopyt, papracavać na karyść dziaržavy. Ja ŭsio žyćcio pryśviaciła baraćbie za zdarovy ład žyćcia, tamu ŭ pryncypie majo rašeńnie bałatavacca łahičnaje.
Ja šmat z kim raiłasia. Z 2000-ch uvieś čas sumniavałasia. I Taćciana Karatkievič, ź jakoj my siabrujem, skazała: «Nataša, ja dumaju, tabie treba, čamu b i nie».
A palitykaj možna zajmacca choć da 100 hadoŭ. Ja chaču być najstarejšym deputatam, chaču ŭ 100 hadoŭ uvajści ŭ Pałatu pradstaŭnikoŭ svaimi nahami, u ćviarozym rozumie».
Pra toje, što jaje supiernicaj budzie «Mis Biełaruś», Natalla Navažyłava ŭžo viedaje. Kaža, što nie suprać, kali taja pieramoža — maładym taksama treba davać darohu.
Za svoj fitnes-kłub Natalla nie pieražyvaje: voś užo vosiem hod jaho dyrektaram źjaŭlajecca jaje syn. Tamu mahčymaje deputactva spravam kłuba nie naškodzić.
Lehiendarnaja fitnes-trenierka Natalla Navažyłava: «U mianie zajmałasia navat niaviestka Łukašenki»
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary