Pradstaŭnica arhanizacyi «Hramadzianskaja zhoda» Elvira Mirsalimava vykazałasia za ŭstalavańnie ŭ našaj krainie pomnikaŭ Stalinu.
«U 2014 hodzie ŭ Viciebsku pad apładysmienty nacyjanalistaŭ-paŭpalakaŭ, zmaharoŭ z savieckim minułym i adkrytych rusafobaŭ ustalavali konnuju statuju Alhierdu. Zatym na Haradzienščynie — statuja, pryśviečanaja Vitaŭtu. Voś niadaŭna ŭ Lidzie pad pošuhi BČB-šnych i dziaržaŭnych ściahoŭ adkryli čarhovy pomnik dziejaču VKŁ — Hiedyminu.
U Navahrudku źbirajucca pastavić pomnik Mindoŭhu. Vydatna! Davajcie jašče ŭstalujem Kiastucisu, Vitaŭtasa, (chto tam jašče zastaŭsia?) Švitryhajle… Ustalavany pomnik Kaściušku ŭ Kosava. Jość pomnik Kalinoŭskamu. Na Haradzienščynie źbirajucca ŭviekaviečyć palaka Stefana Batoryja…», — aburajecca Mirsalimava.
Jasnaja sprava, što hetych histaryčnych asobaŭ jana ličyć čužymi dla biełaruskaj historyi. Inšaja sprava Alaksandr Nieŭski, pomnik jakomu jość u Viciebsku. Cikava, što Mirsalimava nazyvaje Batoryja palakam, ale jon navat nie vałodaŭ polskaj movaj.
«Para stavić pomniki Stalinu! Dla bałansa, kab vypravić pierakos», — padsumoŭvaje jana.
Elvira Mirsalimava — viciebskaja pradstaŭnica «ruskaha śvietu». Jana źjaŭlajecca arhanizatarkaj «Bieśśmiarotnaha pałka» ŭ Viciebsku. Taksama Elvira biare ŭdzieł u ćmianych arhanizacyjach nakštałt ruchu «Sajuz», jaki zasnavaŭ rasijski palityk-aŭtsajdar Siarhiej Baburyn. Jana zajaŭlaje, što «nacyjanalnaja ideja biełarusaŭ — być ruskimi» i što «nacyjanalisty ckujuć rodnuju movu biełarusaŭ ruskuju».
Sioleta Elvira Mirsalimava vyrašyła vyłučycca kandydatam u deputaty ad Partyi pracy i spraviadlivaści, jakuju ŭznačalvaje Vasil Zadniapranny. Pakul proźvišča Mirsalimavaj niama siarod zarehistravanych inicyjatyŭnych hrup.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary