«Prapanoŭvali, admovilisia. Nie tak šmat achvotnych pamalicca na biełaruskaj». Mitrapalit Pavieł — pra movu nabaženstvaŭ
U Biełarusi buduć adkryvać biełaruskamoŭnyja chramy, kali buduć achvotnyja malicca na biełaruskaj movie. Pakul ich — nie tak šmat. Pra heta padčas anłajn-tranślacyi pres-kanfierencyi z Nacyjanalnaha pres-centra raspavioŭ mitrapalit Pavieł, piša Tut.by
— U Biełarusi dźvie dziaržaŭnyja movy: biełaruskaja i ruskaja. Ja nieadnarazova kazaŭ: razumieć ja razumieju (biełaruskuju movu), kali jość nieabchodnaść, to budu razmaŭlać. Siońnia, dziakuj Bohu, u nas dla ŭsich žadajučych, chto choča malicca na biełaruskaj movie, jość takaja mahčymaść. Litaralna ŭ kancy minułaha hoda da mianie źviartalisia biełaruskamoŭnyja prychadžanie z prośbaj dać mahčymaść ździajśniać nabaženstva na biełaruskaj movie. Ja im prapanavaŭ vybrać luby chram, niekalki varyjantaŭ mnoj było prapanavana. Było prapanavana rabić choć kožny dzień nabaženstvy, na što jany skazali: «Nie, my kožny dzień nie zmožam». Tady davajcie raz na tydzień, jany skazali, što heta šmat. Akazałasia, što nie tak šmat žadajučych pamalicca na biełaruskaj movie. Ale tyja, chto choča, majuć takuju mahčymaść, — skazaŭ mitrapalit Minski i Zasłaŭski Pavał, Patryjaršy ekzarch usioj Biełarusi.
Pavodle słoŭ mitrapalita, u Biełarusi jość niekalki chramaŭ, dzie słužby prachodziać na biełaruskaj movie.
— Časam hetuju temu padymajuć tolki tolki dla taho, kab nie abjadnać ludziej, a vyklikać niejkuju kanfrantacyju. Niepažadana, kab vykarystoŭvali ci movu, ci nacyjanalnaść, ci niejkija inšyja asablivaści, kab ludziej raźjadnać. Zadača śviataroŭ — abjadnoŭvać. Buduć žadajučyja malicca na biełaruskaj movie, pa miery nieabchodnaści my budziem adkryvać bałaruskamoŭnyja chramy.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki29
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary