Heta nie fotašop: pažary afarbavali nieba Indaniezii ŭ kryvava-barvovy koler
Nieba nad indaniezijskaj pravincyjaj Džamba ŭ minułyja vychodnyja afarbavałasia ŭ kryvava-čyrvony koler z-za mnostva lasnych pažaraŭ, što bušujuć u krainie, pieradaje Bi-bi-si. Pa słovach mietearołahaŭ, čyrvony koler vyklikany fienomienam, viadomym jak Relejeŭskaje raśsiejvańnie.
Jak tłumačyć prafiesar Sinhapurskaha ŭniviersiteta Koch Tjech Jonh, heta Relejeŭskaje raśsiejvańnie źviazana z najaŭnaściu ŭ atmaśfiery peŭnych čaścic. «Samyja raspaŭsiudžanyja ŭ dymnym vobłaku čaścicy majuć pamier kala 1 mikramietra, adnak jany nie mianiajuć koler nieba, — kaža prafiesar. — A voś čaścicy drabniejšyja, pamieram u 0,05 mikramietraŭ i mienšyja, jakich nie tak užo i šmat, majuć tendencyju macniej raśsiejvać čyrvonaje śviatło, tamu my bačym nie błakitny, jak zvyčajna, a čyrvony koler nieba».
U hetym hodzie smuha ŭ niebie Indaniezii była asabliva zaŭvažnaj. Heta źviazana z hareńniem lasoŭ u samoj Indaniezii i častkova ŭ Małajzii. Pik pažaraŭ prypadaje na pieryjad ź lipienia pa kastryčnik, padčas siezona zasuchi. Pa dadzienych MNS Indaniezii, za pieršyja 8 miesiacaŭ hoda ŭ krainie vyharała ŭžo kala 329 tys. hiektaraŭ lesu.
Kamientary