Kanhres ZŠA maje namier atrymać dostup da źmiestu telefonnych razmoŭ Trampa z Pucinym
Kanhres maje namier atrymać dostup da źmiestu telefonnych razmoŭ prezidenta ZŠA Donalda Trampa z prezidentam Rasii Uładzimiram Pucinym i inšymi suśvietnymi liderami.
Pra heta zajaviŭ staršynia kamiteta pałaty pradstaŭnikoŭ pa raźviedcy Adam Šyf, pieradaje RBK sa spasyłkaj na Reuters.
«Ja dumaju, što pieršaradnaja nieabchodnaść zaklučajecca ŭ tym, kab abaranić nacyjanalnuju biaśpieku Złučanych Štataŭ i zrazumieć, ci nie padryvaje prezident u razmovach ź inšymi suśvietnymi lidarami, u pryvatnaści, z Pucinym, našu biaśpieku, bo dumaje, što heta pryniasie karyść jaho kampanii», — skazaŭ Šyf.
Jon adznačyŭ, što kanhresmieny «poŭnyja rašučaści vyśvietlić», ci jość sproba schavać źmiest hetych razmoŭ.
Raniej krynicy CNN paviedamili, što Bieły dom značna abmiežavaŭ dostup da zapisaŭ razmovy Tramp z Pucinym, a taksama naślednym pryncam Saudaŭskaj Aravii Muchamiedam bien Sałmanam. Čynoŭniki, jakija zvyčajna majuć dostup da rasšyfroŭki hutarak, na hety raz nie bačyli ich.
Surazmoŭcy CNN taksama pakazali, što praktyka ŭtojvańnia zapisaŭ pačałasia bolš za hod tamu, paśla uciečak z razmovaŭ Trampa ź lidarami Aŭstralii i Mieksiki.
26 vieraśnia kamitet pałaty pradstaŭnikoŭ ZŠA pa raźviedcy apublikavaŭ tekst skarhi na telefonnuju razmovu Trampa z prezidentam Ukrainy Uładzimiram Zialenskim. Aŭtar skarhi — nienazvany supracoŭnik raźviedki. U skarzie śćviardžałasia, što Tramp nastojvaŭ, kab Zialenski inicyjavaŭ rasśledavańnie ŭ dačynieńni da byłoha vice-prezidenta ZŠA i vierahodnaha ŭdzielnika budučaj pieradvybarnaj honki Džo Bajdena, a taksama jaho syna Chantera, jaki raniej byŭ členam rady dyrektaraŭ ukrainskaj hazavaj kampanii Burisma Holdings.
Na fonie publikacyj u amierykanskich ŚMI, jakija pieršymi źviarnuli ŭvahu na skarhu, Bieły dom apublikavaŭ poŭnuju rasšyfroŭku telefonnaj hutarki Zialenskaha z Trampam. Tekst vyvučyŭ Miniust ZŠA, jaki nie znajšoŭ u im parušeńniaŭ zakona.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary