Łukašenka — Pašynianu: Vy ŭ mianie dobry siabra, i prezident Azierbajdžana — dobry siabra. I što mnie rabić?
Učora premjer-ministr Armienii Nikoł Pašynian pryniaŭ Alaksandra Łukašenku, jaki prybyŭ u Jerevan dla ŭdziełu ŭ pasiadžeńni Vyšejšaha Jeŭrazijskaha ekanamičnaha savieta, paviedamlaje news.am
«Tak skłałasia, što vy ŭ mianie vielmi dobry siabar, i prezident Azierbajdžana jašče z daŭnich časoŭ dobry siabar. Nu, i što mnie siońnia rabić? Ja vielmi dobra staŭlusia i da Armienii, i da Azierbajdžana, i da kiraŭnictva Azierbajdžana jašče z tych časoŭ, kali prezidentam byŭ Hiejdar Alijeŭ, my ź im pracavali. I z Vami ŭ nas dobryja adnosiny. Vy nie dumajcie, my nie staniem z kimści siabravać suprać Armienii. Absalutna nie — skazaŭ Łukašenka, - My hatovyja pracavać u intaresach Armienii».
Kiraŭnik Biełarusi dadaŭ, što, mahčyma, zakranuŭ niedypłamatyčuju temu, jakuju nie varta było b padymać, adnak jon nie choča, kab pamiž kiraŭnictvam Biełarusi i Armienii byli niejkija niedamoŭlenaści.
U svaju čarhu, Pašynian adznačyŭ, što šanuje ščyraść surazmoŭcy. «Dumaju, heta vielmi važna, kab u našych adnosinach nie zastavałasia ciomnych vuhłoŭ. Vy viedajecie, što ŭ nas vielmi niaprostyja adnosiny z Azierbajdžanam, prama skazać — kanfliktnyja. My hetaje pytańnie abmiarkoŭvali i ŭ ADKB. Viadoma, kožnaja dziaržava sama pavinna dumać pra svaje intaresy, ale ja chaču padkreślić, što ŭ nas kalektyŭnyja intaresy, i ja vielmi rady, što my zdolnyja razam pracavać i abmiarkoŭvać niuansy dla dasiahnieńnia ahulnaha mierkavańnia», — zajaviŭ Pašynian.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary