Siancoŭ padaryŭ Makronu turemny kubak: Možacie pastavić na palicu abo vykinuć u śmietnik
Ukrainski režysior Aleh Siancoŭ raspavioŭ, jak prajšła sustreča z prezidentam Francyi Emaniuelem Makronam.
Pavodle jaho słoŭ, jany abmierkavali pierśpiektyvy vyzvaleńnia ŭkrainskich palitviaźniaŭ i pałonnych, jakich niezakonna ŭtrymlivajuć u Rasii i na akupavanych terytoryjach, a taksama palityku rasijskaha režymu.
Pa słovach byłoha viaźnia Kramla, jon pasprabavaŭ danieści da Makrona svaju pazicyju adnosna niezakonnaha ŭtrymańnia 227 ukraincaŭ na akupavanym Danbasie, a taksama 86 hramadzian Ukrainy ŭ Rasii.
«Kab infarmacyja zamacavałasia lepš, padaryŭ svoj turemny płastykavy kubak z naleplenym proźviščam. Skazaŭ pry hetym: «Možacie jaje pastavić na palicu, a možacie vykinuć u śmietnicu — heta nie važna. Važniej, kab vy nie zabyvali pra našych pałonnych.» Abnialisia», — raspavioŭ Siancoŭ.
Kamientary