Navukoŭcy: ludzi vykidvajuć u atmaśfieru ŭ dziasiatki raz bolš SO2, čym vułkany
Čałaviectva vykidvaje ŭ atmaśfieru Ziamli ŭ dziasiatki raz bolš vuhlakisłaha hazu i inšych vuhlarodnych złučeńniaŭ, čym usie vułkany našaj płaniety, niahledziačy na toje, što 99,8% vuhlarodu na našaj płaniecie znachodzicca pad ziamloj, vyśvietlili navukoŭcy. Heta abviarhaje papularny ŭ skieptykaŭ arhumient, što vułkany vykidvajuć u atmaśfieru nie mienš vuhlakisłaha hazu, čym ludzi, piša BBC.
Metaj dziesiacihadovaha daśledavańnia navukoŭcaŭ z Vašynhtonskaha centra vyvučeńnia vuhlarodnych pakładaŭ (Deep Carbon Observatory) było ŭstalavać ahulnuju kolkaść vuhlarodu na našaj płaniecie i zrazumieć, ci źjaŭlajucca ciapierašnija vysokija vykidy vuhlarodu ŭ atmaśfieru sapraŭdy čymści ekstraardynarnym u historyi našaj płaniety.
Ahulnaja kolkaść vuhlarodu, jaki znachodzicca na pavierchni i ŭ atmaśfiery našaj płaniety, navukoŭcy acanili prykładna ŭ 43 500 hihaton. Pa ich danych, heta tolki 0,2% ad ahulnaj kolkaści vuhlarodu na Ziamli — 1,85 młrd hihaton. Asnoŭnaja masa vuhlarodu — 99,8% — znachodzicca pad pavierchniaj Ziamli.
Jak pakazała daśledavańnie, vułkany i inšyja vułkanična aktyŭnyja ŭtvareńni, takija jak raskoliny ŭ ziamnoj kary, vyłučajuć u atmaśfieru prykładna 0,3-0,4 hihaton vuhlarodu štohod. Čałaviectva ž vyłučaje vuhlakisłaha hazu ŭ 40-100 razoŭ bolš.
«Skieptyki mohuć ličyć, što vułkany kankurujuć z čałaviectvam u śfiery vykidaŭ vuhlakisłaha hazu, ale heta zusim nie tak», — kamientuje daśledavańnie prafiesar vułkanałohii i pietrałohii Kiembrydžskaha Kuins-kaledža Mary Edmands.
Arhumient pra vułkany sapraŭdy papularny ŭ tych, chto nie daviaraje šmatlikim daśledavańniam pra źmianieńnie klimatu na našaj płaniecie.
-
Claude maluje hrafiki i dyjahramy niepasredna ŭ čacie
-
Ehaistyčnaja chramasoma ledź nie vyniščyła ludziej tysiačahodździ tamu. Padobna, jana viarnułasia — u marmonski štat Juta
-
Jak bot sa štučnym intelektam OpenClaw spačatku zachapiŭ śviet, a paśla trapiŭ pad zabarony i byŭ nazvany «kašmaram kibierbiaśpieki»
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?2
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju2828
Kamientary