«Hłabalnaje paciapleńnie? U vypadku jadziernaj vajny pamiž Indyjaj i Pakistanam tempieratura apuścicca na piać hradusaŭ»

«Pra ekałohiju. Daŭno chacieŭ napisać, ale nie chacieŭ hetaha rabić u kantekście chajpa vakoł Hrety Tunbierh. Heta krychu inšaje, čym sopli, — piša zasnavalnik homielskich «Mocnych navinaŭ» Piatro Kuźniacoŭ. —

Na praciahu 2019 hoda kanflikt pamiž Indyjaj i Pakistanam vakoł pravincyi Kašmir abvastryŭsia da maksimalnaha ŭzroŭnia za apošnija dziesiacihodździ. Pahroza paŭnavartasnaj vajny była (i zastajecca) jak nikoli realnaj.

Razam z tym, abiedźvie krainy na dvaich majuć 150 jadziernych bojehałovak. Abmien jadziernymi ŭdarami pamiž hetymi dziaržavami nie pryviadzie da suśvietnaj jadziernaj vajny — heta nie Rasija i NATA, dy i pradmiet kanfliktu łakalny.

Ale navat łakalnaja jadziernaja vajnuška z-za adnoj pravincyi pryviadzie da zhuby pary sotniaŭ miljonaŭ ludziej, z ulikam ščylnaści nasielnictva ŭ toj častcy ziamnoha šara.

A taksama, pa prahnozach ekołahaŭ, taki scenar pryviadzie da taho, što ŭ atmaśfieru budzie vykinuta prykładna miljardaŭ hetak z 40 sažy, jakija zakryjuć Ziamlu ad Sonca na niekalki hadoŭ. Dalej, pa prahnozach navukoŭcaŭ, heta vykliča hłabalnaje pachaładańnie ŭ siarednim na 5 hradusaŭ pa ŭsioj płaniecie.

Što, u svaju čarhu, vykliča pamianšeńnie kolkaści bijamasy i, paprostu kažučy, hłabalny hoład, jašče ź niekalkimi sotniami miljonaŭ achviaraŭ na praciahu jak minimum hadoŭ 5-7.

Nie viedaju, ci treba kazać pra toje, što pahroza «hłabalnaha paciapleńnia» ŭ paraŭnańni z hetaj pahrozaj, pa-pieršaje, hłupstva, pa-druhoje — scenar, realnaść jakoha jašče pakaža čas. A voś toje, što scenar takoj vajny pamiž Indyjaj i Pakistanam całkam realny, pa-mojmu, sumnievaŭ nie vyklikaje.

Ja nie prosta pracuju, ja faktyčna žyvu ŭ internecie. Na praciahu hoda, padčas jakoha rasło napružańnie vakoł Kašmira i krainy stajali na parozie paŭnavartasnaj vajny, ja nie bačyŭ nivodnaj naviny, što suśvietnaja supolnaść zaniepakojena, nie bačyŭ nivodnaha pratestujučaha pad šviedskim ci inšym parłamientam, nie bačyŭ chajpa ŭ fejsbuku i śloz «my ŭsie pamrom».

Ale fiška ŭ tym, što mianie heta nie ździŭlaje. Znoŭ ža, žyvučy ŭ internecie, ja daŭno zrazumieŭ hałoŭnuju asablivaść sučasnaha ličbavaha infarmacyjnaha pola. U 90% vypadkaŭ majsterskija manipulatary nasadžajuć tut dla abmierkavańnia prablemy, jakich niama, kab nie abmiarkoŭvać i nie vyrašać prablemy, jakija jość.

I chaj dalej śviet abmiarkoŭvaje «skradzienaje dziacinstva» šviedskaj dziaŭčynki z zamožnaj krainy i abychodzić uvahaj toje, što realna pahražaje hetamu śvietu. Paviercie, tyja, chto mylać ludziam vočy fejkavymi pahrozami, ad hoładu i choładu nie pamruć. Pamruć tyja, u kaho, akramia fejsbuku i kłaviš, bolš za dušoj ničoha niama. Navat krytyčnaha myśleńnia.

• 0
• 0
• 0
• 0
• 0
• 0
• 0
• 0