Biazzuba i za ŭsio treba płacić: były hulec pra zakuliśsie rasijskaha KVZ
Były ŭdzielnik KVZ, stendap-komik Nurłan Saburaŭ raspavioŭ pra zakuliśsie KVZ. Svaimi dumkami jon padzialiŭsia ŭ intervju Juryju Dudziu, vypusk dastupny na YouTube.
«Ujavi, kab prosta raśśmiašyć ludziej, tabie treba zapłacić. Zrabić uniosak, arhanizavać kamandu. I čym vyšejšaja liha, tym bolš hrošaj. U vas forma adnolkavaja pavinna być», — adznačyŭ jon. Na dumku humarysta, sučasny KVZ — heta «šniaha», bo «ŭsio biazzuba».
Pa słovach Saburava, acenki stavić žury, ale ludzi, jakija tam siadziać, «niejkija niezrazumiełyja čaściakom». «Potym usie hetyja hrošy zrazumieła kamu sychodziać. Ty dumaješ, a navošta ja tut? Ty marnuješ hrošy, kab raśśmiašyć ludziej? Pa mnie, heta dziŭna. Mahčyma, ja pamylajusia», — skazaŭ na zakančeńnie stendapier. Jon pahadziŭsia ź śćvierdžańniem Dudzia, što pavinna być naadvarot: ty viesiališ ludziej i na hetym zarablaješ.
Pad unioskami Saburaŭ, vierahodna, mieŭ na ŭvazie hrošy, jakija kalektyvy płaciać rehijanalnym liham, jakija arhanizujuć hulni i adbor kamand. U 2018 hodzie hety ŭniosak składaŭ u siarednim 25 tysiač ras. rubloŭ za hulniu, kazaŭ udzielnik kamandy «Zbornaja Batajsk «Małaja Ziamla» Alaksandr Ramanaŭ. Jak pisała «Komsomolskaja pravda», pa niekatorych acenkach, za adzin siezon lihi KVZ mohuć źbirać 220—260 tysiač dalaraŭ u jakaści ŭnioskaŭ.
U ciapierašni čas Saburaŭ źjaŭlajecca rezidentam šou Stand Up na TNT i ŭdzielnikam YouTube-šou «Što było dalej?».
U vieraśni 2019 hoda novym ułaśnikam «Kłuba viasiołych i znachodlivych» staŭ Alaksandr Maślakoŭ-małodšy. Jaho dola ŭ tvorčym abjadnańni «AMiK» («Alaksandr Maślakoŭ i Kampanija») składaje 50 adsotkaŭ. Raniej 51 pracent kampanii naležaŭ starejšamu Maślakovu. Ciapier heta tolki 25,5 adsotkaŭ.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal3
Kamientary