U Vilni źjaviłasia niezvyčajnaja skulptura. Na joj adlustravany i biełarus FOTAFAKT
Na praśpiekcie Kanstytucyjos (za rakoj Vilija), kala budynka №23, źjaviłasia novaja bronzavaja skulptura Vitaŭtasa Nalivajki «Pryjacieli», stvoranaja jašče ŭ 2008 hodzie.
Vilenčuki ŭžo viedajuć heta miesca pa vielizarnaj skulptury konika na ścianie budynka, piša Delfi. Hetaja skulptura stvorana Alhisam Hryškiavičusam. 6-mietrovy konik važyć kala 700 kh.
Novaja skulptura «Pryjacieli» — heta mužčyny, jakija simvalizujuć pradstaŭnikoŭ čatyroch nacyjanalnaściaŭ: palak z vusami i ŭ kanfiederatcy, biełarus u futravaj vušancy, litoviec sa śvinoj hałavoj pad pachaj i habrej, što letucienna hladzić u nieba.
«Pryjacieli» — sarkastyčnaja kopija savieckaha manumienta «Čatyry Kamunary», jakaja adlustroŭvaje razład pamiž narodami, biessensoŭnaje i nieabhruntavanaje paharšeńnie adnosin pamiž ludźmi.
Hetuju skulpturu na minułym tydni nabyŭ park kamiennych skulptur Vilnoja. Jaje pieravieźli tudy ź nievialikaha parku ŭ Niemienčynie.
«Treba vyciahvać mastactva ź lasoŭ i kutoŭ i demanstravać ludziam. My chočam, kab skulptury byli dastupnyja bolš šyrokaj aŭdytoryi. Tamu vyrašyli časova raźmiaścić skulpturu «Pryjacieli» ŭ Vilni», — skazaŭ zasnavalnik Vilnoja pradprymalnik Vidmantas Marcikonis.
Ciapier čytajuć
Aryštavali byłoha pamočnika Michaiła Miaśnikoviča5
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary