Iranskaja armija biez papiaredžańnia pačała vajennyja vučeńni na paŭnočnym zachadzie krainy la miažy z Turcyjaj. Pra heta sa spasyłkaj na ahienctva ISNA paviedamlaje Reuters.
Jak adznačajecca, udzieł u manieŭrach prymajuć padraździaleńni chutkaha reahavańnia, mabilnyja i atakujučyja atrady. Akramia taho, zadziejničany i viertaloty, jakija ŭvachodziać u skład pavietranaha padraździaleńnia suchaputnych vojskaŭ. Vučeńni prachodziać na fonie padrychtoŭki Turcyi da vajennaj apieracyi na poŭnačy Siryi.
Reuters adznačaje, što prezident Irana Chasan Raŭchani zaklikaŭ Ankaru prajaŭlać strymanaść i paźbiahać bajavych dziejańniaŭ na terytoryi susiedniaj krainy. Pavodle jaho słoŭ, Turcyja maje prava dumać pra svaje miežy, adnak šlach «pavinien być abrany pravilny». Raŭchani ličyć, što dla hetaha amierykanskija vojski pavinny pakinuć rehijon, a kurdam varta padtrymać siryjskuju armiju.
Kamientary