U Biełarusi zarehistravany 560 kandydataŭ u deputaty Pałaty pradstaŭnikoŭ, 367 ź ich, abo 65,5 pracenta ad ahulnaj kolkaści, źjaŭlajucca členami palityčnych partyj, paviedamlaje BiełTA.
Bolš za ŭsio siarod kandydataŭ u deputaty pradstaŭnikoŭ Libieralna-demakratyčnaj partyi — 98 čałaviek, abo 17,5 pracenta ad ahulnaj kolkaści. Dalej iduć KPB i Abjadnanaja hramadzianskaja partyja. Kamunistaŭ siarod pretendentaŭ na deputacki mandat 57 (10,2 pracenta), pradstaŭnikoŭ AHP — 47 (8,4 pracenta).
Pry hetym partyjnym vyłučeńniem skarystałasia 357 zarehistravanych kandydataŭ u deputaty, abo 50,8 pracenta ad ich ahulnaj kolkaści.
Siarod tych, chto prajšoŭ rehistracyju, 197 čałaviek (28 pracentaŭ) vyłučalisia šlacham zboru podpisaŭ, 123 (17,5 pracenta) — ad pracoŭnych kalektyvaŭ.
Žančyn siarod zarehistravanych pretendentaŭ na deputackija partfieli 27 pracentaŭ, maładych ludziej da 30 hadoŭ — 9,5 pracenta, deputataŭ dziejučaha sklikańnia — 5,7 pracenta, deputataŭ miascovych Savietaŭ — 11,8 pracenta.
Što da prafiesijnaj dziejnaści kandydataŭ, to zaniatych u pramysłovaści, budaŭnictvie, śfiery transpartu siarod ich 17,1 pracenta, pradstaŭnikoŭ navuki, adukacyi, achovy zdaroŭja, kultury i sportu — 15,9 pracenta, dziaržsłužačych — 11,6 pracenta, pradprymalnikaŭ — 9,1 pracenta.
Usiaho ŭ Biełarusi kandydatami ŭ deputaty vyłučałasia 703 čałavieki, admovu ŭ rehistracyi atrymaŭ 131 pretendent na miesca ŭ parłamiencie.
Vybary ŭ Pałatu pradstaŭnikoŭ naznačany na 17 listapada.
Kamientary