U Čyli dziesiać čałaviek zahinuli padčas pratestaŭ z-za padaražeńnia mietro
Dziesiać čałaviek zahinuli ŭ vyniku pratestaŭ u Čyli, bolšaść ź ich stali achviarami pažaraŭ u handlovych centrach, vynikaje z zajavy ŭładaŭ, piša ria.ru.
Raniej paviedamlałasia ab čatyroch zahinułych padčas pažaru ŭ adnym z supiermarkietaŭ.
Piać ciełaŭ byli znojdzieny ŭ centry pa prodažy nižniaj bializny. Hety mahazin byŭ abrabavany ŭ niadzielu ŭviečary i paźniej zahareŭsia.
Raniej jašče ŭ adnym zharełym supiermarkiecie zahinuŭ pieruaniec. Troje ŭ noč na niadzielu byli znojdzieny ŭ inšaj kramie.
Jašče adzin małady ekvadorac zahinuŭ u horadzie Sierena ad kulavoha ranieńnia. Miarkujecca, što streł zrabiŭ vajskoviec, ale ŭłady pakul nie paćvierdzili hetuju infarmacyju.
Nahodaj dla pratestaŭ stała rašeńnie ŭładaŭ 6 kastryčnika pavysić ceny na prajezd u mietro na 30 piesa (0,042 dalara). Spačatku mirnyja akcyi 18 kastryčnika pieraraśli ŭ sutyknieńni z pravaachoŭnikami — ludzi rabili barykady, bili ŭ rondali na znak niazhody z pavieličeńniem cen, nanieśli ŭron mnohim stancyjach mietro, pačali palić handlovyja centry i aŭtobusy. 19 kastryčnika ŭ centr Santjaha była ściahnutaja braniatechnika, była abvieščanaja kamiendanckaja hadzina.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary