Kala bierahoŭ Narviehii padaŭ sihnał biedstva rasijski ledakoł. Jak paźniej vyśvietliłasia — vypadkova
Rasijski ledakoł u rajonie zachodniaha ŭźbiarežža Narviehii padaŭ sihnał SOS. Pra heta RBK paviedamili ŭ narviežskaj słužbie vyratavańnia. Pavodle jaho źviestak, na borcie znachodziacca 33 čałavieki.
Adznačajecca, što ŭ rajonie, adkul pastupiŭ sihnał biedstva, nazirajecca štorm. Pa słovach pradstaŭnika słužby, sudna straciła mahutnaść ruchavika, da ledakoła nakiroŭvajucca vyratavalnyja buksiry.
Pa dadzienych Aftenposten, havorka idzie pra dyziel-elektryčny ledakole «Tor». Pradstaŭnik vyratavalnaj słužby Edvard Midłtan paviedamiŭ, što na dapamohu kamandzie sudna byŭ vysłany viertalot, adnak evakujavacca matrosy nie pažadali. Jany raźličvajuć, što ŭ vypadku nievialikaha palapšeńnia nadvorja im udasca ŭsio ž dajści da bieraha.
Jak vyśvietliłasia paźniej, ledakoł pamyłkova padaŭ sihnał biedstva paśla zboju ŭ abstalavańni padčas štormu.
Kamientary