Svajo mierkavańnie pra vizity ŭ Biełaruś pradstaŭnikoŭ Jeŭraźviazu vykazvaje staršynia Kansiervatyŭna‑chryścijanskaj partyi BNF Zianon Paźniak.
Svajo mierkavańnie pra vizyty ŭ Biełaruś pradstaŭnikoŭ Eŭraźviazu vykazvaje staršynia Kanservatyŭna‑chryścijanskaj partyi BNF Zianon Paźniak.
Paźniak: Najbolš važnym vizytam u Biełaruś boku Eŭraźviazu byŭ vizyt Chavijera Salany, i źviazany jon pierš za ŭsio z pytańniem zaprašeńnia Łukašenki ŭ Prahu. Salana šukaŭ u Miensku navat minimalnych arhumentaŭ, kab takoje zaprašeńnie možna było apraŭdać. My bačym z boku Eŭraźviazu typovuju prahmatyčnuju palityku. Jana była takoj uvieś čas, tolki ciapier ź jaje skinuli demakratyčny kamuflaž i zahavaryli naŭprost z dyktataram.
Z hledzišča hieapalityki, supracoŭnictva z Eŭropaj i ŭdzieł va Uschodnim partnerstvie nam vyhadny i patrebny.Ale, na žal, heta nie našaja palityka, nia my jaje viadziem. Heta palityka Eŭropy, jakuju jana pravodzić z vyhodaj dla siabie, koštam našych narodnych intaresaŭ.
My budziem płacić vielmi vialikuju canu za hetuju palityku.Pakul što heta vyhladaje tak. I nievypadkova šmat u kaho ź biełarusaŭ uźnikajuć asacyjacyi ź Miunchenam 38‑ha hodu. Tady, kab zaspakoić Hitlera, zdali Aŭstryju. Ciapier, kab zabiaśpiečyć svaje intaresy, zdajuć demakratyju ŭ Biełarusi, prykryŭšy vočy na toje, što robić režym u Biełarusi.
Kali Łukašenka budzie zaprošany ŭ Prahu, heta budzie aznačać, što Eŭropa pahadziłasia z represijami i etnacydam, z aryštami i sudami za biełaruskuju movu,z napadami milicyi na kvateru byłoha deputata Viarchoŭnaha Savieta Aksamita i z rabavańniem jaho deputackaha archivu, z aryštami ŭ Vaŭkavysku, sa źbićciom milicyjaj moładzi ŭ Miensku i h.d. Heta budzie znak dla Łukašenki, što tak ‑‑ možna, i što heta nie pieraškadžaje Eŭropie supracoŭničać z režymam. Heta čemberlenaŭščyna. Ale vinavatyja ŭ takim stanie rečaŭ najpierš sami biełarusy. Naša hramadztva ŭ cełym pakul što nie prajaŭlaje asensavanaj voli da baraćby za svaje intaresy, za honar i hodnaść. Tamu spadar Salana nas moža i nia ŭličvać u svajoj partytury. Hetaje stanovišča nam treba pieramianić, i jość nadzieja, što my jaho pieramienim. Što datyčyć Łukašenki ŭ Eŭropie, to nakolki ja jaho viedaju, na niejkim etapie sprava skončycca skandałam i hnieŭnymi filipikami Łukašenki ŭ bok Zachadu.
Karespandent: Ciapier šmat havorać pra novyja tendencyi ŭ palitycy aficyjnaha Miensku, jakija ŭžo zajmieli nazoŭ «liberalizacyi». U svoj čas u SSSR pracesy siaredziny 1950‑ych atrymali nazoŭ «adlihi», a ŭ kancy 80‑ych my pamiatajem «pierabudovu». Ciapier — «liberalizacyja». Ci daje hety praces niejkija spadziavańni dla Vas jak dla palityka?
Paźniak: Pierabudova ŭ SSSR ‑‑ heta byŭ unutrany praces, u Biełarusi adbyvajecca zusim inšaje. Nijakaj liberalizacyi niama. Naadvarot. Ciapier Łukašenka staŭ bolš žorstka pravodzić palityku ŭ dačynieńni da moładzi, aryšty apošniaha času i źbićcio pra heta śviedčać. Bo jon vydatna viedaje, što palityku na zbližeńnie pravodzić Eŭropa, heta treba Eŭropie, i jon choča pajści ŭ hetuju Eŭropu z hetym represiŭnym bahažom. Jon choča, kab jaho pryznali, kab heta stała normaj. Faktyčna, Eŭropa za svaje hieapalityčnyja intaresy zapluščvaje vočy na palityku režymu, na našyja nacyjanalnyja intaresy, na źniščeńnie movy, parušeńnie pravoŭ čałavieka. Ale paŭtaraju:
usia sprava nie ŭ Eŭropie, usia sprava ‑‑ u nas samich, u tym, što našaje hramadztva na hetym etapie straciła volu da baraćby. hetuju volu treba zdabyć. A pakul isnuje režym ‑‑ nia budzie nijakaj liberalizacyi.Hety režym antynarodny, antybiełaruski, i ŭvieś jaho intares ‑‑ ŭtrymacca pry ŭładzie. U hetym i palahaje jaho palityka balansavańnia pamiž Eŭropaj i Maskvoj.
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
-
Pucin užo pavinšavaŭ Madžtabu Chamieniei, a Łukašenka nie. Čaho čakaje?
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju27
Kamientary