Biełarusy apiaredzili rasiejcaŭ i ŭkraincaŭ u vałodańni anhlijskaj movaj, ale nie našmat
Mižnarodnaja kampanija, jakaja śpiecyjalizujecca na vyvučeńni moŭ, skłała rejtynh krain pa ŭzroŭni vałodańnia anhlijskaj. Biełaruś zaniała 47-je miesca sa 100, paviedamlajecca ŭ spravazdačy daśledavańnia.
Rejtynh pabudavany na dadzienych, atrymanych z apytańniaŭ. Usiaho apytańnie prajšli bolš za 1 młn čałaviek sa 100 krain. Uzrovień viedańnia anhielskaj movy vymiarajecca indeksam vałodańnia — English Proficiency Index (EPI).
Lepš za ŭsich viedajuć anhlijskuju ŭ Niderłandach. Nasielnictva hetaj krainy atrymała indeks 70,27, što suadnosicca z kryteryjem «vielmi vysoki». A voś horš za ŭsich anhlijskaj vałodajuć u Livii. Tam EPI składaje 40,87 — «vielmi nizki».
Biełaruś apynułasia na 47-j pazicyi pamiž Hvatemałaj i Rasijaj. Biełarusy atrymali EPI — 52,39.
Siarod našych susiedziaŭ najlepš spravy z vyvučeńniem anhlijskaj iduć u Polščy — jana ažno na 11-m miescy, Litva — na 21-m. Ukraina idzie śledam za Biełaruśsiu i Rasijaj — jana na 49-j pazicyi.
Kamientary