U Maskvie prafiesara, jaki nazvaŭ ruskuju movu ŭ jaje ciapierašnim stanie «ŭbohaj i kłaačnaj», zmušajuć prabačycca
Ad prafiesara fakulteta humanitarnych navuk Vyšejšaj škoły ekanomiki (VŠE) u Maskvie, doktara fiłałohii Hasana Husiejnava patrabujuć prabačeńnia za jaho vykazvańnie ŭ fejsbuku.
Na svajoj staroncy ŭ FB Husiejnaŭ zadaŭsia pytańniem, «čamu niekatorym rasijanam zdajecca, što ruskim va Ukrainie nievynosna vyvučyć da svajoj ruskaj movy jašče i ŭkrainskuju». I adkazaŭ na jaho tak: «Tamu što, pryjechaŭšy, naprykład, u Bierlin, hetyja razumnyja ludzi nie dziviacca, ubačyŭšy ŭ tamtejšych kijoskach haziety nie tolki na niamieckaj, ale i na ruskaj i tureckaj, sierbskaj i francuzskaj, hreckaj i polskaj, anhlijskaj i italjanskaj. A ŭ Maskvie, z sotniami tysiač ukraincaŭ, tatar, kirhizaŭ i ŭźbiekaŭ, kitajcaŭ i niemcaŭ, sa śviečkaju niemahčyma znajści ničoha na inšych movach, akramia toj ubohaj kłaačnaj ruskaj, na jakoj ciapier havoryć i piša hetaja kraina».
Jaho vykazvańnie pracytavali mnohija rasijskija ŚMI, razharelisia sprečki ŭ sacyjalnych sietkach. Paźniej fejsbuk vydaliŭ hetaje vykazvańnie paśla šmatlikich skarhaŭ rasiejskich karystalnikaŭ.
Kamisija pa etycy VŠE rekamiendavała prafiesaru «prynieści publičnyja prabačeńni za śviadomy raspaŭsiud niepradumanych i biezadkaznych vykazvańniaŭ, jakija nanieśli škodu dziełavoj reputacyi ŭniviersiteta, a taksama dezavujavać dadzienyja vykazvańni».
Hasan Husiejnaŭ admoviŭsia heta rabić.
Kanflikt staŭ temaj šmatlikich abmierkavańniaŭ u rasijskich ŚMI.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j4
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary