«Mahła pierahnuć pałku», — dyrektar mahiloŭskaha kaledža pra zaklik kuratarki prahałasavać daterminova
Dyrektar Mahiloŭskaha dziaržaŭnaha medyčnaha kaledža paabiacaŭ «razabracca» z kuratarkaj, jakaja «prasiła» navučencaŭ prahałasavać daterminova. Pa jahonych słovach, jana «mahła pierahnuć pałku» i «ź joju budzie praviedzienaja tłumačalnaja rabota», piša Radyjo Svaboda.
Paviedamleńnie pra prymus hałasavać daterminova dasłali Svabodzie navučency kaledžu. U im jany pracytavali kuratarku: «Usie, kamu jość 18 hadoŭ, iduć hałasavać na vybary daterminova ŭ abaviazkovym paradku, kali chtości nia pryjdzie, buduć prablemy ŭ jaho i ŭ kuratara». Navučency dadali, što ŭsich, chto pražyvaje ŭ internacie, užo «zahnali hałasavać».
U paćvierdžańnie svaich słoŭ jany razam z dopisam dasłali skryn paviedamleńnia kuratarki z supołki «Ŭkantakcie». Tam jana prosić navučencaŭ prahałasavać daterminova, kab u jaje nie było prablemaŭ na vychodnych.
Dyrektar navučalnaj ustanovy Ŭładzimier Ryžkoŭ zajaviŭ, što infarmacyja pra prymušeńnie navučencaŭ hałasavać daterminova niepraŭdzivaja. Jon nastojvaje: nikoha nie prymušajuć, usie iduć hałasavać pa žadańni.
«Viadoma ž, infarmacyja pra vybary, ab paradku hałasavańnia, ab metach, zadačach i naahuł systemie dziaržaŭnaha kiravańnia pavinna davodzicca navučencam — heta adnaznačna, — kaža kiraŭnik navučalnaj ustanovy. — Kuratar tut mahła pierahnuć pałku ŭ niejkaj stupieni. Budziem pravodzić tłumačalnuju rabotu».
U hutarcy z karespandentam Svabody navučency kala samaha kaledžu kazali, što im «raili i prapanoŭvali prahałasavać daterminova» i «jany nie mahli dazvolić sabie nie pasłuchacca».
«Nia viedaju, što było b, kab ja nie pajšła hałasavać, — adkazvaje adna ź ich, — ale, schadziŭšy, mahu vučycca spakojna dalej i nia dumać pra kiepskaje».
Ciapier čytajuć
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu4
Kamientary