Taki vyrak pa skančeńni razhladu kryminalnaje spravy, inicyjavanaj aršanskaj prakuraturaj, vyniesła sudździa Taciana Rybakova. Sud pryznaŭ Mikałaja Razumava vinavatym pavodle 367-ha artykułu Kryminalnaha kodeksu na padstavie vykazvańniaŭ śviedkaŭ i videazapisu sustrečy vybarcaŭ z Alaksandram Milinkievičam 24-ha lutaha.
Taki vyrak pa skančeńni razhladu kryminalnaje spravy, inicyjavanaj aršanskaj prakuraturaj, vyniesła sudździa Taciana Rybakova. Sud pryznaŭ Mikałaja Razumava vinavatym pavodle 367-ha artykułu Kryminalnaha kodeksu na padstavie vykazvańniaŭ śviedkaŭ i videazapisu sustrečy vybarcaŭ z Alaksandram Milinkievičam 24-ha lutaha.
Na videastužcy, źniataj aperataram miascovaj telekampanii «Skif» Siarhiejem Jaŭsiejevym, zafiksavana pramova spadara Razumava, jaki publična kazaŭ pra toje, što Alaksandar Łukašenka maje dačynieńnie da źniknieńnia Jurja Zacharanki i Viktara Hančara, što j było kvalifikavana sudom jak «paklop na prezydenta».
Pavodle vynikaŭ psychijatryčnaj ekśpiertyzy ŭ mienskaj klinicy Navinki, padsudny na toj momant byŭ u całkam śviadomym stanie, chacia na sudzie jon zajaviŭ, što nia pamiataje ni taje sustrečy, ni ŭvohule padziejaŭ taho dnia, i tamu svajoj viny nie pryznaje.
Ad 14-ha sakavika spadar Razumaŭ znachodziŭsia pad vartaj, i tolki paśla siońniašniaha sudu jaho adpuścili dachaty. Ciapier jon musić čakać na pozvu, u jakoj budzie paznačanaje miesca jahonaha pakarańnia – «abmiežavańnia voli va ŭstanovie adkrytaha typu», inakš kažučy, na «chimii».
Hety praces vyklikaŭ šaroki rezanas u Voršy, dzie Mikałaja Razumava viedajuć najpierš jak viadomaha rabočaha lidara, jaki na pačatku 1990-ch hadoŭ zaklikaŭ pracaŭnikoŭ miascovych pradpryjemstvaŭ vyjści na rejki na znak niazhody z sytuacyjaj u krainie, arhanizavaŭšy takim čynam pieršyja pracoŭnyja strajki na Biełarusi.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA121
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary