U haradskim pasiołku Cielachany (Bresckaja vobłaść) na adnym z padvorkaŭ uviedzieny dvuchmiesiačny karancin z-za šalonaha janota, paviedamili BiełTA ŭ Ivacevickaj rajonnaj vieterynarnaj stancyi.
Dzikuju žyviołu na ŭskrainie Cielachan zaŭvažyŭ adzin ź miascovych žycharoŭ. Jaho naściarožyli pavodziny žyvioły, jaki išoŭ pa vulicy niby sprasonku. Pra heta mužčyna apaviaściŭ śpiecyjalnyja słužby. «U hety čas hoda janoty pavinny być u śpiačcy. Mahčyma, jaho niechta napałochaŭ, i jon ź lesu vyjšaŭ u nasieleny punkt. Źviera adłavili, usypili i adabrali proby. Vyniki łabaratornaha daśledavańnia pakazali, što janot byŭ chvory na šalenstva», - skazali ŭ rajonnaj vietstancyi.
U suviazi z hetym z 22 listapada na padvorak, dzie pabyvała žyvioła, ustalavany karancin terminam na dva miesiacy. Taksama ŭ zonu ryzyki trapili dźvie vulicy, pa jakich prajšoŭ chvory janot. Na hetym učastku śpiecyjalisty praviaduć prafiłaktyčnyja mierapryjemstvy, paŭtorna vakcynujuć chatnich žyvioł ad šalenstva.
Kamientary