Prezident Kazachstana admoviŭsia ličyć «dałučeńnie» Kryma da Rasii anieksijaj
Pra heta Kasym-Žamart Takajeŭ zajaviŭ u intervju Deutsche Welle, adkazvajučy na pytańnie, ci byŭ urad Kazachstana ŭ 2014 hodzie napałochany padziejami va Ukrainie, a mienavita anieksijaj Kryma i vajnoj na ŭschodzie krainy?
«Pa-pieršaje, my nie nazyvajem toje, što adbyłosia ŭ Krymie, anieksijaj. Toje, što adbyłosia, to adbyłosia. Anieksija - heta zanadta ciažkaje słova ŭ dačynieńni da Kryma», — adkazaŭ Takajeŭ.
«Pa-druhoje nijakaha strachu, jak vy kažacie, nie było, pakolki ŭ nas, jak ja ŭžo skazaŭ, absalutna daviernyja, dobrasusiedskija adnosiny z Rasijskaj Fiederacyjaj. Pieršapačatkova my vieryli ŭ mudraść, prystojnaść rasijskaha kiraŭnictva. Chacieŭ by nahadać, što minskija pieramovy byli pačaty, pa sutnaści, pa inicyjatyvie Nursułtana Nazarbajeva. Praŭda, jon tady prapanavaŭ Astanu, ale z-za łahistyki i addalenaści ad Jeŭropy było pryniata rašeńnie pravodzić hetyja pieramovy ŭ Minsku», — dadaŭ prezident Kazachstana.
Kamientary