Uładzimir Pucin na sustrečy z Alaksandram Łukašenkam vykazaŭ spadziavańnie, što Biełaruś i Rasija atrymajuć prykmietnyja pieravahi ad intehracyi ŭ sajuznaj dziaržavie, pieradaje BiełTA.
«Chaču vykazać nadzieju na toje, što my i dalej budziem rabić usio, kab našy narody i krainy adčuvali svaju blizkaść, praciahvali zbližeńnie, pierš za ŭsio, viadoma, u śfiery ekanomiki, ale nie tolki, taksama i ŭ sacyjalnaj śfiery, što nadzvyčaj važna, a taksama atrymlivali prykmietnyja pieravahi ad hetaj intehracyi», — skazaŭ Uładzimir Pucin.
Prezident RF nahadaŭ, što siońniašniaja sustreča prachodzić napiaredadni 20-hodździa sajuznaj damovy. «Ministry, staršyni ŭradaŭ praviali dastatkova vialikuju pracu pa analizie taho, što zroblena ŭ ramkach padpisanaha raniej damovy ab sajuznaj dziaržavie, pahavaryli, što i jak treba zrabić, kab realizavać jašče niavykananaje ŭ ramkach hetaha dakumienta, što možna było b aktualizavać u suviazi sa źmienlivymi abstavinami, u tym liku maju na ŭvazie našy adnosiny ź inšymi kalehami ŭ JEAES, pahavaryć pra pierśpiektyvy. Mnie zdajecca, u hetym sensie naša sustreča źjaŭlajecca znakavaj», - dadaŭ jon.
Ciapier čytajuć
Jak u halečy śpivałasia radnia Łukašenki? Małaviadomyja fakty48
Kamientary