Avakaŭ pra spravu Šaramieta: My viedajem, chto inicyjavaŭ heta zabojstva
Ministr unutranych spraŭ Ukrainy Arsien Avakaŭ zajaviŭ, što ŭ piatnicu ŭ sudzie pravaachoŭniki pradstaviać vyniki ekśpiertyz pa spravie zabojstva žurnalista Paŭła Šaramieta. Pra heta jon zajaviŭ u efiry «Prava na ŭładu» na 1+1, pieradaje RBK-Ukraina.
Avakaŭ adznačyŭ, što pravaachoŭniki viedajuć, chto inicyjavaŭ heta złačynstva.
«My zatrymali cełuju hrupu i im pradjaŭlena abvinavačańnie. U nas niama adkazaŭ na ŭsie pytańni. U nas stajać pytańni pa roli niekatorych ludziej. My bačym ludziej, jakija inicyjavali heta złačynstva. Ja dumaju, što ŭ hetaj spravie buduć jašče naviny», — zajaviŭ jon.
Pa słovach Avakava, palicyja nie pamyliłasia i pradstavić vyniki.
«Našy arhumienty vielmi surjoznyja. U piatnicu ŭ sudzie my pradstavim vyniki ekśpiertyzy. My pierakananyja, što my nie pamylilisia», — dadaŭ jon.
Nahadajem, raniej paviedamlałasia, što palicyja zatrymała padazravanych u datyčnaści da zabojstva ŭ Kijevie 20 lipienia 2016 hoda biełaruskaha žurnalista Paŭła Šaramieta. U pryvatnaści, pravaachoŭniki zatrymali ŭdzielnika bajavych dziejańniaŭ na Danbasie, vajskoŭca i muzykanta Andreja Antonienku i doktarku-vałanciorku Juliju Kuźmienka.
Akramia taho, prezident Uładzimir Zialenski zajaviŭ, što adkrytym zastajecca pytańnie adnosna ŭstanaŭleńnia zakazčyka zabojstva Šaramieta. Kiraŭnik dziaržavy taksama vykazaŭ nadzieju na toje, što palicyja vyśvietlić zakazčyka ŭ najbližejšy čas.
Ukrainskaja palicyja zatrymała padazravanych u zabojstvie Paŭła Šaramieta — rok-muzykanta i doktarku
Śledstva miarkuje: nad zabojstvam Šaramieta pracavała cełaja hrupa
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary