Rasijski vajskovy karabiel robić dziŭnyja manieŭry kala bierahoŭ ZŠA
Rasijski vyviedny karabiel «Viktar Lavonaŭ» viarnuŭsia ŭ mižnarodnyja vady kala paŭdniova-ŭschodniaha ŭźbiarežža ZŠA i dziejničaje «niebiaśpiečnym čynam», paviedamlaje telekanał CNN sa spasyłkaj na daśviedčanyja krynicy.
Pa słovach adnaho z surazmoŭcaŭ telekanała, karabiel u apošnija niekalki dzion płavaŭ kala bierahoŭ Paŭdniovaj Karaliny i Fłarydy. Krynica adznačyła, što dziejańni sudna byli vyznačanyja jak niebiaśpiečnyja, bo jon nie vykarystoŭvaje navihacyjnyja ahni va ŭmovach nizkaj bačnaści. Taksama, zajaviŭ čynoŭnik, rasijskaje sudna nie reahuje na zapyty kamiercyjnych sudnaŭ, jakija sprabujuć vyśvietlić jaho miescaznachodžańnie, kab paźbiehnuć mahčymych avaryj.
Jon dadaŭ, što vyviedny karabiel udzielničaŭ u «inšych biazładnych manieŭrach».
U svaju čarhu pradstaŭnik bierahavoj achovy ZŠA paviedamiŭ CNN, što jaho viedamstva papiaredžvaje marakoŭ u hetym rajonie ab prysutnaści rasijskaha sudna i jaho pavodzinach.
Tym časam pradstaŭnik Minabarony zajaviŭ telekanału, što eśminiec VMS ZŠA znachodzicca pablizu rasijskaha sudna.
Jak adznačaje telekanał, «Viktar Lavonaŭ» štohod, pačynajučy z 2015 hoda, rehularna patruluje ŭ mižnarodnych vodach uzdoŭž uschodniaha ŭźbiarežža ZŠA.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary