Ciešča eks-staršyni Śledčaha kamiteta pradaje niedarobleny katedž u Drazdach za $900 tysiač FOTY
Dom pa vulicy Siomkaŭskaj u Minsku vystaŭleny na prodaž za 1,9 miljona biełaruskich rubloŭ. Amal $900 tysiač u ekvivalencie — niemałaja cana dla niedabudavanaha katedža.
Ale voś što asabliva cikava: pavodle infarmacyi «NN», dom naležyć 71-hadovaj piensijaniercy z Hłybokaha Antaninie Ramanavaj.
Ale ž jak sprytnaja babula z pravincyi zmahła zarabić na budoŭlu ŭ elitnym rajonie dla čynoŭnikaŭ?
Usio prosta. Akazałasia, što Antanina Mikałajeŭna — ciešča Valancina Šajeva, jaki ŭznačalvaŭ Śledčy kamitet z 2012 pa 2015 hod.
Antanina Ramanava paćvierdziła «Našaj Nivie», što Šajeŭ — jaje ziać.
Piensijanierka zapeŭnivaje, što budavała katedž sama:
«Tak, pradajecca katedž u rajonie Drazdy. Hety katedž ja adrazu na siabie budavała. Heta moj. Budavali razam ź dziećmi».
Praŭda, adkul u piensijanierki z Hłybokaha hrošy na katedž u stalicy, Antanina Mikałajeŭna nie adkazała:
«Spravazdačycca ni pierad kim ja nie źbirajusia».
Cikava, što ŭ svoj čas Valancin Šajeŭ prapanavaŭ uvieści dadatkovuju adkaznaść dla zanadta bahatych čynoŭnikaŭ: «Takaja adkaznaść mahła b być u vyhladzie spahnańnia ŭ dachod dziaržavy majomasci, pamier jakoj značna pieravyšaje dachody čynoŭnika i pachodžańnie jakoj heta słužbovaja asoba nie moža paćvierdzić».
Valancin Šajeŭ
Naradziŭsia ŭ 1964 u Hłybokim. Skončyŭ Viciebski technikum elektrasuviazi (1984) i BDU pa śpiecyjalnaści «pravaznaŭstva» (1991). Pracavaŭ u orhanach prakuratury (1991—2011). Staršynia Śledčaha kamiteta (2012-2015).
Čytajcie. Nieprykmietny siłavik z Hłybokaha: Piać faktaŭ pra zvolnienaha staršyniu Śledčaha kamiteta Valancina Šajeva
Ad Abielskaj da Jarmošynaj: 113 uładalnikaŭ katedžaŭ u Drazdach, poŭny śpis
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary