Zasłužany dziejač mastactvaŭ Litvy, znakamity opierny śpiavak kiravaŭ centralnaj biełaruskaj arhanizacyjaj u Litvie. Jamu było 84 hady.
U noč na 9 sakavika pamior zasłužany dziejač mastactvaŭ Litvy, viadomy opierny śpiavak Lavon Muraška.
Lavonu Adamaviču Murašku było 84 hady. Pachavali jaho siońnia na Jeŭfrasińnieŭskich mohiłkach Vilni, paviedamiŭ litoŭski partał delfi.lt
***
Lavon Adamavič Muraška naradziŭsia 27 žniŭnia 1924 h. na histaryčnaj Słuččynie, u vioscy Siniaŭka (siońnia heta Klecki rajon Minskaj vobłaści).
Baćka Lavona byŭ charavym rehientam i jašče da vajny razam ź siamjoju pierajechaŭ u Vilniu. U baćkavym chory Lavon i pačaŭ śpiavać. Paźniej jon vučyŭsia ŭ śpievaka «La Skały» Siarhieja Uścinoviča, što pachodziŭ z Ašmianaŭ, zatym — u słynnaha litoŭskaha tenara Kiprasa Piatraŭskasa. A jašče ŭ himnazii jamu davaŭ uroki Kanstancin Hałkoŭski.
U 1950 h. Lavon Muraška skončyŭ Litoŭskuju dziaržaŭnuju kansiervatoryju, pa śpiecyjalnaści opierny śpiavak, piedahoh. Z 1944 pa 1946 hh. — salist Dziaržaŭnaha ansambla pieśni i tancaŭ BSSR pad kiraŭnictvam R. Šyrmy, z 1946 h. — salist Litoŭskaj fiłarmonii (bas).
Z 1950 pa 1988 h — salist Dziaržaŭnaha akademičnaha teatra opiery i baleta Litoŭskaj SSR.
Lavon Muraška źjeździŭ z kancertami paŭśvietu.
Apošnija dvaccać hadoŭ byŭ rehientam archijerejskaha choru Śviata‑Duchavaha manastyra ŭ Vilni.
Naležaŭ da biełaruskaha hramadskaha ruchu ŭ Litvie, kiravaŭ Zhurtavańniem biełaruskich hramadskich supołak Litvy — parasonavaj arhanizacyjaj, u jakuju ŭvachodziać biełaruskija supołki. Aktyŭna supracoŭničaŭ ź biełaruskaj ambasadaj.
Braŭ udzieł u źjezdach biełarusaŭ śvietu (za vyniatkam apošniaha), byŭ siabram Vialikaj Rady ZBS «Baćkaŭščyna».
Kiraŭnička ZBS «Baćkaŭščyna» Alena Makoŭskaja nazyvaje śmierć Lavona Muraški vialikaj strataju dla biełaruskaj kultury Litvy.
-
Fiaduta: Praz toje, što knihi i rukapisy palać nie publična, jak u fašysckaj Hiermanii, a tajemna, režymy nie robiacca mienš fašysckimi
-
A što z Volhaj Niafiodavaj, jakuju ŭ kreśle mastackaha kiraŭnika Kupałaŭskaha zamianiŭ rasijanin?
-
Novy mastacki kiraŭnik Kupałaŭskaha — rasijanin z pravincyjnych teatraŭ
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary