Pavodle źviestak pravaabaroncy Paŭła Levinava, videabłohier Dźmitryj Kazłoŭ, viadomy pad nikam «Šery Kot», užo trojčy asudžany za kratami pavodle č.3 art.23.34 KoAP, paviedamlaje Radyjo Racyja.
Chłopiec trapiŭ u aršanski izalatar časovaha ŭtrymańnia 26 śniežnia minułaha hoda. 9 studzienia jaho čakali paśla 15-sutkavaha aryštu. Ale na volu jon tak i nie vyjšaŭ, bo jakraz u toj dzień sud Voršy i Aršanskaha rajonu pastanaviŭ pakarać jaho nastupnym, druhim zapar 15-sutkavym aryštam — za ŭdzieł u akcyjach suprać «pahłyblenaj intehracyi» 21 śniežnia. Na nastupny dzień, 10 studzienia, jaho znoŭku sudzili, ciapier za ŭdzieł u minskich pratestach 20 śniežnia. Pastanova sudu — treci aryšt na 15 sutak. 13 studzienia sudovy kanviejer praciahvaŭsia, i Dźmitryj Kazłoŭ byŭ asudžany na 15 sutak užo čaćviorty raz — za zakliki ŭ sacyjalnych sietkach na schod u Minsk 29 śniežnia. Takim čynam, za kratami «Šery Kot» musić adbyć 60 sutak.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii3
Kamientary