Dvoje abmienienych eks-bierkutaŭcaŭ viarnulisia ŭ Kijeŭ i prosiać sadziejničańnia ŭ Zialenskaha
Eks-«bierkutaŭcy» Alaksandr Marynčanka i Siarhiej Tamtura, jakija znachodzilisia pad chatnim aryštam pa abvinavačvańni ŭ rasstrełach na Majdanie i byli pieradadzienyja ŭ «DNR» u ramkach abmienu, viarnulisia ŭ Kijeŭ, pieradaje «Ukrainskaja praŭda».
Advakat byłych bajcoŭ Alaksandr Harašynski apublikavaŭ u Facebook zvarot Marynčanki i Tamtury da prezidenta Uładzimira Zialenskaha, staršyni VR Dźmitryja Razumkova i hienprakurora Rusłana Rabašapki ad 8 lutaha:
«My, eks-supracoŭniki Kijeŭskaha śpiecpadraździaleńnia milicyi «Bierkut» Alaksandr Marynčanka i Siarhiej Tamtura, zajaŭlajem svaju pazicyju ŭ dačynieńni da raniej praviedzienaha abmienu i našaha siońniašniaha viartańnia ŭ Kijeŭ».
«Praŭda — heta pryčyna našaha viartańnia ŭ Kijeŭ. Na praciahu piaci hadoŭ sudovy praces byŭ asnoŭnaj krynicaj praŭdy ab Majdanie i pavinien praciahnucca. My budziem udzielničać u sudovych pasiadžeńniach.
Nam niama čaho chavać — my nie rabili złačynstvaŭ. My chočam adnavić sumlennaje imia śpiecpadraździaleńnia «Bierkut». My chočam, kab pa-sapraŭdnamu vinavatyja ŭ zabojstvach pravaachoŭnikaŭ i pratestantaŭ byli pakaranyja. My zaklikajem prezidenta Ukrainy, hienieralnaha prakurora Ukrainy i deputataŭ Viarchoŭnaj Rady Ukrainy nieadkładna admianić zakon ab amnistyi majdanaŭcaŭ i zabiaśpiečyć spraviadlivaje i biesstarońniaje rasśledavańnie padziej 2014 hoda pry ŭdziele mižnarodnych naziralnikaŭ i ekśpiertaŭ».
Eks-bierkutaŭcy adznačajuć, što ŭ lipieni i śniežni 2019 hoda im była źmienienaja miera strymańnia z utrymańnia pad vartaj na chatni aryšt, adnak za kratami «biespadstaŭna» znachodzilisia ich «kalehi»: Siarhiej Zinčanka, Pavieł Abrośkin i Aleh Janišeŭski. Paśla źjaviłasia mahčymaść ich vyzvaleńnia ŭ ramkach abmienu na ŭmovach «usich na ŭsich».
Marynčanka i Tamtura taksama adznačajuć, što ich admova ad udziełu ŭ abmienie pastaviła b pad pahrozu hety abmien u cełym: «Taksama my razumieli, što hety abmien dazvolić pryciahnuć uvahu ŭładaŭ i hramadskaści da pytańnia abjektyŭnaj acenki padziejaŭ 2014 hoda. Heta byŭ dziaržaŭny pieravarot. A častka pratestujučych nie byli mirnymi — jany byli ŭzbrojenymi złačyncami. Jany zakidvali pravaachoŭnikaŭ kamianiami, katavali, palili «kaktejlami Mołatava», rasstrelvali ich z ahniastrelnaj zbroi!»
Nahadajem, 29 śniežnia ŭ ramkach abmienu Ukraina pieradała piaciarych eks-bierkutaŭcaŭ, abvinavačanych u rasstrełach na Majdanie.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary