Biełaruski PEN-centr praciahvaje źbirać hrošy na štrafy dla piśmieńnikaŭ za ŭdzieł u akcyjach u padtrymku niezaležnaści. Ahułam patrebna 2290 rubloŭ.
Pakul udałosia zakryć štraf Uładzimira Niaklajeva i Uładzimira Arłova. Ale jašče patrebny hrošy, kab dapamahčy raźličycca Lavonu Barščeŭskamu (štraf u 810 rubloŭ).
«My źbirajem praz kraŭdfandynhavuju płatformu MołaMoła, taksama jość dapamoha ad čytačoŭ i inicyjatyvy BY_Help, ale hrošy jašče patrebnyja i my budziem udziačnyja za padtrymku. Kali srodkaŭ źbiarom bolš, čym treba, to prapanujem dapamohu pa spłacie štrafaŭ inšym litarataram, jakija nie źjaŭlajucca siabrami PENa. U kožnym razie naprykancy kampanii zrobim padrabiaznuju spravazdaču», — kaža pieršaja namieśnica staršyni Biełaruskaha PEN-centra Taćciana Niadbaj.
Padtrymać piśmieńnikaŭ možna tut.
Taćciana Niadbaj raskazała taksama, čym zaraz žyvie PEN.
Da 13 lutaha praciahvajecca pryjom zajavak na premiju Natalli Arsieńnievaj. Padać možna paetyčnyja knihi, vydadzienyja ŭpieršyniu letaś na biełaruskaj movie.
Taksama pačaŭsia pryjom zajavak na fiestyval intelektualnaj knihi «Pradmova». Zajavić svaje mierapryjemstvy (prezientacyju knihi, lekcyju, majstar-kłas, dyskusiju, konkurs, hulniu) dla rehijanalnych iventaŭ možna da 12 lutaha, dla minskaha — da 20-ha. A pieršaja rehijanalnaja pajezdka ŭ ramkach fiestyvalu adbudziecca ŭžo 22 lutaha ŭ Viciebsku.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB21
Kamientary