U kiraŭnictvie Rasii namiakajuć na dałučeńnie Biełarusi ŭ abmien na adzinyja ceny na enierhanośbity. Pra heta Alaksandr Łukašenka zajaviŭ siońnia na sustrečy z kalektyvam Śvietłahorskaha CKK, piša BIEŁTA.
Pry hetym, pierakanany kiraŭnik dziaržavy, ni biełaruski, ni rasijski narody nikoli nie zachočuć pajści hetym šlacham.
«Pamiatajcie — vaš pieršy prezident, jakoha vy kaliści abrali, nikoli nie stanie apošnim. Užo paśla mianie — dumajcie, jak žyć. Ale i kali ja budu žyć, ale nie budu prezidentam - ja budu zaŭsiody zmahacca, kab naša ziamla zastavałasia suvierennaj i niezaležnaj», — dadaŭ jon.
Łukašenka ŭpeŭnieny, što ni biełaruski, ni rasijski narody nikoli nie zachočuć pajści pa hetym šlachu. «Voś vy nie antyrasijskija ludzi, a narmalnyja biełarusy, tyja, chto lubić, jakija pavažajuć rasijanaŭ. Ale pastaŭ pierad vami pytańnie, ci vy chočacie takoha abjadnańnia, kab Biełaruś uvajšła ŭ skład Rasii, - 120% skažuć «nie», — skazaŭ jon. — I samaje dziŭnaje, što i rasijanie mnie pišuć listy: «Ni ŭ jakim razie nie ŭvachodźcie ŭ skład Rasii». Ale kamuści tam chočacca, kab była adna kraina, - tady buduć adzinyja ceny».
Jon taksama zaŭvažyŭ, što jaho paprakajuć u zryvie intehracyi, niahledziačy na toje, što jon byŭ jaje inicyjataram. «A što vy razumiejecie pad intehracyjaj? Ja razumieju: u ekanomicy intehracyja, heta kali my kuplajem resursy ŭ Rasii (zapasnyja častki dla MTZ, kamplektujučyja dla BiełAZa), robim traktary, aŭtamabili i pradajem na ahulnym rynku. I roŭnyja ceny. Voś što takoje intehracyja. Što takoje intehracyja na ŭzroŭni ludziej: svabodnaje pieramiaščeńnie, niama nijakich miežaŭ. Piensii, naličeńni — usio, jak u adnoj krainie. My heta zrabili», - źviarnuŭ uvahu Alaksandr Łukašenka.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia27
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary