«Kommiersant»: U pieramovach Biełarusi i Rasii pa nafcie namieciŭsia prahres
U pieramovach Rasii i Biełarusi pa pastaŭkach nafty namieciŭsia prahres, paviedamlaje «Kommiersant».
Krynicy vydańnia paviedamili, što pastaŭki rasijskaj nafty ŭ Biełaruś mohuć pačacca ŭžo ŭ sakaviku.
Pry hetym adzin z surazmoŭcaŭ haziety zajaviŭ, što ŭ vypadku dasiahnieńnia damoŭlenaści pa nafcie z paŭnavartasnymi pastaŭkami na biełaruskija naftapierapracoŭčyja zavody (NPZ) mohuć uźniknuć prablemy, pakolki Minsk, kab zahruzić Navapołacki NPZ, minimum dva tydni adbiraje technałahičnuju naftu z naftapravodaŭ. U vyniku heta pryviadzie da straty prapusknoj zdolnaści na NPZ.
Ekspart nafty z Rasii ŭ Biełaruś spyniŭsia paśla Novaha hoda z-za roznahałośsiaŭ pa canie na syravinu, i da hetaha času rasijskija kampanii nie zmahli damovicca z «Biełnaftachimam» pa hetym pytańni. Na hety momant naftu ŭ Biełaruś ekspartujuć tolki struktury hrupy «Safmar» Michaiła Huceryjeva, ale jany nie mohuć zabiaśpiečyć zahruzki zavodaŭ vyšej za 25%.
Dźmitryj Marynčanka z Fitch ličyć, što premija da ekspartnaha parytetu ŭ $2 na tonu — heta vieličynia na ŭzroŭni statystyčnaj chibnaści, usiaho $0,3 centa za baral, i ni da jakoj značnaj dla Biełarusi ekanomii jana nie pryviadzie. Zaraz, kaža jon, ekspartnaja pošlina (jana ž patencyjnaja źnižka, ź jakoj rasijskija kampanii mohuć pastaŭlać naftu ŭ Biełaruś) składaje kala $70 za tonu, abo $9 za baral. Jon nahadvaje, što ŭ nastupnym hodzie pošlina, zhodna z padatkovym manieŭram, pavinna pamienšycca na $15-20 na tonu ŭ zaležnaści ad cany, i jasna, što prapanavanyja $2 na tonu nijak źnižeńnie pošliny nie kampiensujuć.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary