U Kitai vyjavili pieršy ŭ śviecie vypadak encefalitu z-za karanavirusa
Piekinskaja balnica vypisała pacyjenta, jakomu byŭ pastaŭleny dyjahnaz pnieŭmanija, što vyklikajecca novym typam karanavirusa, i encefalit. Karanavirus moža ŭrazić i centralnuju niervovuju sistemu, havorycca ŭ paviedamleńni balnicy «Dytań» Staličnaha miedycynskaha ŭniviersiteta Piekina, piša ria.ru.
«Heta pieršy padobny vypadak u śviecie», — havorycca ŭ paviedamleńni miedustanovy.
Paviedamlajecca, što pacyjent, 56-hadovy mužčyna, 24 studzienia byŭ špitalizavany ź ciažkaj dychalnaj niedastatkovaściu i virusnaj pnieŭmanijaj. Chvoramu praviali antyvirusnuju terapiju, procibakteryjałahičnuju terapiju, a taksama lačyli preparatami tradycyjnaj miedycyny, ale stan chvoraha nie palapšaŭsia.
Na 10-y dzień chvaroby, 27 studzienia kamputarnaja tamahrafija pakazała častkovyja źmieny ŭ lohkich. Na 14-y dzień ŭ pacyjenta pačała naziracca sutarha skivična-tvaravych ciahlic, miedycynski ahlad pakazaŭ stanoŭčy vynik na rehidnaść patyličnych ciahlic, zapavoleny zrenkavy refleks na śviatło, kamputarnaja tamahrafija hałavy nie vyjaviła patałohij.
Ekśpierty ŭ časie analizu śpinnamazhavoj vadkaści chvoraha na mahčymy patahien infiekcyjnaha zachvorvańnia vyklučyli inšyja ŭzbudžalniki i vyjavili hienom COVID-19.
Analiz pakazaŭ najaŭnaść novaha typu karanavirusa ŭ śpinnamazhavoj vadkaści chvoraha, jamu byŭ pastaŭleny kliničny dyjahnaz virusny encefalit.
Paśla 14 dzion padtrymańnia štučnaha dychańnia, a taksama lačeńnia virusnaha encefalitu, chvaroba lohkich pajšła na palapšeńnie, simptomy niervovaha zachvorvańnia źnikli. Na 32-i dzień chvaroby pacyjenta pieraviali ŭ adździaleńnie intensiŭnaj terapii, dzie jaho praciahnuli lačyć ad karanavirusa.
-
Natchnionyja «Aziempikam» farmkampanii ŭstupili ŭ honku pa raspracoŭcy anałahaŭ dla žyvioł
-
Cudaŭ nie budzie dla tych, chto spadziavaŭsia schudnieć biez dyjety. Papularnaje intervalnaje haładańnie nie dziejničaje biez deficytu kałoryj
-
U Minsku adkryjuć dźvie dziaržaŭnyja vietkliniki z kruhłasutačnym pryjomam
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary