Alaksandr Łukašenka na naradzie ab epidemijałahičnaj situacyi ŭ krainie nahadaŭ pra svaju paradu naviedvać łaźniu i raspavioŭ aniekdot pra Uładzimira Žyrynoŭskaha, piša BiełTA.
Aficyjnuju častku narady kiraŭnik dziaržavy vyrašyŭ apiaredzić niezvyčajnym ustupleńniem, kab, napeŭna, razbavić surjoznyja pytańni humaram i razradzić abstanoŭku, zaznačaje BiełTA.
«Ja kaliści skazaŭ, što ludziam treba, kab zmahacca z roznymi virusami, u tym liku i z hetym, čaściej chadzić u suchuju paryłku. Pakolki COVID-19 nie lubić vysokich tempieratur i pry +60, jak mianie prainfarmavali śpiecyjalisty, hinie», — adznačyŭ Alaksandr Łukašenka.
Jon taksama pryvioŭ narodnyja mietady prafiłaktyki: kali nie chapaje srodkaŭ dezynfiekcyi, mnohija ludzi mohuć myć ruki harełkaj.
«Heta značyć, kali z saŭny vyjści i pamyć nie tolki ruki, ale i ŭnutr sto hram, to ja (jak čałaviek niepituščy nie prapahanduju heta) narmalna budu ŭsprymać. Prynamsi, da Dnia Pieramohi», — pažartavaŭ kiraŭnik dziaržavy.
Praciahvajučy hetuju temu, Alaksandr Łukašenka raskazaŭ aniekdot pra Uładzimira Žyrynoŭskaha, jaki niadaŭna raskrytykavaŭ biełaruskaha kiraŭnika za takija rekamiendacyi.
«Raskrytykavaŭ jon, što harełku nielha, jakaja saŭna, Łukašenka nie maje racyi. Prychodzić dadomu i žoncy kaža: «Nali sto hram, budu lačycca ad karanavirusa». Žonka jamu adkazvaje: «Vałodzia, ty ž tolki što Łukašenku raskrytykavaŭ, što harełka nie dapamahaje». — «Heta ja dla ŭsich skazaŭ, a mnie nali. Łukašenka nie durań, kali kaža». Žonka jamu znoŭ kaža: «Vałodzia, pa-rusku ž paśla łaźni sto hram pjuć». Žyrynoŭski: «Heta pa-rusku. A ja pa-jaŭrejsku: sto hram da łaźni i sto hram paśla. Nalivaj!» Da aniekdota padobna, tym bolš, što blizka da našaj temy. Prašu prabačeńnia pierad Uładzimiram Volfavičam, ale nie moh sabie nie dazvolić raspavieści hetuju byl», — skazaŭ na zakančeńnie Alaksandr Łukašenka.
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary