U Śvietłahorsku dziaŭčyna zabyłasia na sumačku ŭ taksi, a kiroŭca zabraŭ hrošy
Kryminalnaja historyja z udziełam 26-hadovaha taksista i klijentki adbyłasia ŭ kancy lutaha, kali kiroŭca padvoziŭ dziaŭčynu i jaje znajomaha. Paśla pajezdki dziaŭčyna zaŭvažyła, što źnikła sumačka i paviedamiła pra heta ŭ milicyju, paviedamlaje MUS.
Apieratyŭniki adsačyli maršrut zajaŭnicy: pa zapisach z kamier videanazirańnia było vidać, što ŭ aŭtamabil paciarpiełaja sadziłasia z sumačkaj, a vyjšła ŭžo bieź jaje. Tamu asnoŭnym padazravanym staŭ taksist.
— Pakul my ŭstanaŭlivali dačynieńnie kiroŭcy da złačynstva, vidavočcy znajšli vykradzienuju sumačku: razam z mabilnym telefonam jana lažała na adnoj z vulic horada. Paźniej vyśvietliłasia, što adtul źnikli hrošy paciarpiełaj, jakija taksist paśpieŭ vydatkavać, — raspaviali ŭ Śvietłahorskim RAUS.
U hutarcy z apieratyŭnikami padazravany mianiaŭ pakazańni: spačatku śćviardžaŭ, što rečy mahli zabrać inšyja pasažyry, zatym pryznaŭsia, što sumačku znajšoŭ i vykinuŭ razam sa źmieścivam, adnak u vyniku raspavioŭ, jak usio było na samaj spravie.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT18
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary