«U nas nie savok». Zialenski vystupiŭ suprać VIP-pałat dla kiraŭnictva Ukrainy
Prezident Ukrainy Uładzimir Zialenski daručyŭ premjer-ministru krainy Dzianisu Šmyhalu admianić usie narmatyŭnyja akty, jakija patrabujuć «asablivaha padychodu» da lačeńnia pieršych asob dziaržavy.

«Premjer-ministru Ukrainy pastaŭlena zadača vyrašyć pytańnie tak zvanych VIP-pałat i admianić usie narmatyŭnyja akty, jakija hetaha patrabujuć. U nas nie savok i nie budzie nijakich luksavych pałat dla «členaŭ CK». Ni ŭ adnaho palityka abo biznesmiena, u dziaržaŭnych i kamunalnych špitalach, nie budzie lepšych umoŭ, čym u zvyčajnaha ŭkrainca. Vy budziecie znachodzicca mienavita ŭ tych pałatach i tych balnicach, jakija za 28 hadoŭ vy pabudavali ŭ hetaj krainie. Mahčyma, tady zrazumiejecie jak heta — nie mieć mahčymaści lačycca ŭ Šviejcaryi ci Izraili», — zajaviŭ Zialenski.
Prezident Ukrainy nastojliva rekamiendavaŭ kiraŭnikam miedycynskich ustanoŭ nie pieratvaracca ŭ hateljeraŭ, nie zajmacca handlem pałatami.
25 sakavika źjaviłasia infarmacyja, što Departamient achovy zdaroŭja Kijeŭskaj haradskoj dziaržadministracyi razasłaŭ miedycynskim ustanovam horada zahad ab asablivych umovach lačeńnia «asablivych pacyjentaŭ» i VIP-pałatach.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru
Kamientary