Skandał u prakuratury: dvuch namieśnikaŭ prakuroraŭ rajonaŭ Minska zatrymali i vinavaciać pa 328 artykule
Dvuch namieśnikaŭ prakuroraŭ rajonaŭ Minska — Leninskaha i Savieckaha — zatrymali pa padazreńni ŭ raspaŭsiudzie narkotykaŭ (artykuł 328 KK).
Pra heta ŭ svaim telehram-kanale paviedamlaje žurnalist Arciom Harbacevič.
Hetuju infarmacyju «Našaj Nivie» paćvierdzili try nie źviazanyja miž saboj krynicy.
Papiarednie, havorka viadziecca pra namieśnika prakurora Savieckaha rajona Minska Alaksieja Jerafiejeva i namieśnika prakurora Leninskaha rajona Jaŭhiena Maisiejenku.
U Śledčym kamitecie situacyju pakul nie kamientavali.
Viadoma, što infarmacyju pra zatrymańnie pačali davodzić rabotnikam Śledčaha kamiteta i prakuratury na słužbovych naradach jak uzor słužbovaha pravału.
Udakładniena:
Ranicaj u paniadziełak stała viadoma, što KDB raspačaŭ i rasśleduje kryminalnuju spravu. Pra heta paviedamili BIEŁTA ŭ adździele infarmacyi Hienprakuratury.
Fihurantam inkryminujecca niezakonny abarot narkatyčnych srodkaŭ biez mety zbytu pa č.1 art.328 Kryminalnaha kodeksa. Da padazravanym ŭžyta miera strymańnia ŭ vyhladzie zaklučeńnia pad vartu. Jany zvolnieny z orhanaŭ prokuratury.
Kamientary