Siońnia adbuducca pieršyja paŭfinalnyja matčy Kubka Biełarusi pa futbole
Była infarmacyja, što paśla matčaŭ treciaha tura biełaruski futboł budzie pastaŭleny na paŭzu praz karanavirus. Ale ničoha nie źmianiłasia, i siońnia nas čakajuć pieršyja paŭfinały, a na vychadnych — čarhovy tur čempijanatu.
«Słavija» — BATE
- 08.04, 17:30. Mazyr, stadyjon «Junactva».
- Kaeficyjenty: «Słavija» (pieramoha) — 3.55; ničyja — 3.42; BATE (pieramoha) — 2.17.
Favaryt u hetaj hulni moh by być pradkazalnym, kali b my nie viedali, jak prajšli try tury čempijanatu.
«Słavija» stała sapraŭdnaj pahrozaj aŭtarytetam, abhulaŭšy spačatku niepasredna BATE, a paśla — i bresckaje «Dynama». Barysaŭcy ž, narešcie, zmahli pieramahčy ŭ trecim tury, ale pieramoha nad «Rucham» dałasia vielmi niaprosta.
Prahnoz «NN»: Šmat što budzie zaležać ad fizičnaha stanu «Słavii», a taksama matyvacyi hulcoŭ BATE, jakija ŭ papiarednija siezony nie nadta surjozna stavilisia da kubkavych matčaŭ. Sprahnazujem totał, mienšy za 2,5.
«Dynama-Brest» — «Šachcior»
- 08.04, 19:30. DASK «Brescki».
- Kaeficyjenty: «Dynama» (pieramoha) — 2.38; ničyja — 3.13; «Šachcior» (pieramoha) — 3.38.
Bieraściejcy i salihorcy pakul nie apraŭdvajuć status favarytaŭ čempijanatu: u troch turach byli zafiksavany try roznyja vyniki, što krychu supiarečyć ambicyjam kamand.
U papiarednim rozyhryšy Kubka kamandy sustrakalisia na stadyi 1/8 finału, dzie «Šachcior» pieramoh, ale tolki ŭ sieryi pienalci. Ci zmoža Brest uziać revanš i znoŭ pazmahacca za trafiej?
Prahnoz «NN»: u pieršym matčy budzie zafiksavana ničyja.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j15
Kamientary