Hihancki lasny pažar spalić Čarnobyl? Nie vyklučana
U paniadziełak, 13 krasavika, aktyvisty zajavili, što pažar u Čarnobylskaj zonie va Ukrainie dabraŭsia da Prypiaci i nabližajecca da schoviščaŭ radyjeaktyŭnych adchodaŭ. Pa ich słovach, «situacyja skłałasia krytyčnaja».
Pra heta paviedamiŭ staršynia «Asacyjacyi čarnobylskich turapierataraŭ», člen hramadskaha savieta pry Dziaržahienctvie pa kiravańni zonaj adčužeńnia Jarasłaŭ Jemialjanienka.
«Situacyja krytyčnaja. Zona pałaje. Miascovaja ŭłada daje spravazdaču, što ŭsio pad kantrolem, ale nasamreč ahoń imkliva zachoplivaje novyja terytoryi. U mianie dva varyjanty: abo ŭradu nie davodziać realnuju situacyju, abo jon abraŭ palityku zamoŭčvańnia savieckaj ułady, jak u 86 hodzie», — napisaŭ jon.
Pa słovach Jemialjanienki, zaraz ahoń dabraŭsia da Prypiaci i znachodzicca za dva kiłamietry ad schoviščaŭ radyjeaktyŭnych adchodaŭ «Padlesny», dzie raźmieščany najbolš vysokaaktyŭnyja radyjacyjnyja adychody ŭsioj Čarnobylskaj zony.
Pavodle ŭkrainskich ratavalnikaŭ, pa stanie na 17-ju hadzinu 13 krasavika ŭ zonie adčužeńnia praciahvajecca tušeńnie pažaraŭ.
Ratavalniki zapeŭnivajuć, što pažar, jaki ciapier pałaje ŭ Čarnobylskaj zonie, nie pahražaje ČAES i schovišču radyjeaktyŭnych adchodaŭ.
Radyjacyjny fon u Kijevie i Kijeŭskaj vobłaści ŭ miežach normy i nie pieravyšaje naturalnych fonavych značeńniaŭ.
Va Ukrainie ŭ Čarnobylskaj zonie adčužeńnia ratavalniki ŭžo bolš za tydzień sprabujuć spravicca ź lasnymi pažarami, što pačalisia 4 krasavika.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary