Upraŭleńnie Departamienta finansavych rasśledavańniaŭ Kamiteta dziaržkantrolu pa Minskaj vobłaści i Minsku rasśleduje spravu minčuka, raniej užo sudzimaha za niezakonnuju pradprymalnickuju dziejnaść i ŭchileńnie ad vypłaty padatkaŭ. Jak paviedamlaje KDK, mužčyna prymaŭ praź internet zamovy na reśpiratary suśvietnych vytvorcaŭ z kłasam abarony FPP2 i FPP3. Prodaž tavaraŭ jon ažyćciaŭlaŭ praz žonku, zarehistravanuju ŭ jakaści indyvidualnaha pradprymalnika. Patencyjnych pakupnikoŭ mužčyna pierakonvaŭ, što reśpiratary majuć nieabchodnyja siertyfikaty, adnak nasamreč heta byli paviazki sumnieŭnaj jakaści i biez markiroŭki.
Apłata za «reśpiratary» ažyćciaŭlałasia nakładzienym płaciažom, ich dastaŭlali kurjery RUP «Biełpošta». Takim čynam, u pakupnikoŭ nie było mahčymaści pravieryć tavar da raźliku z kurjeram i admovicca ad jaho atrymańnia.
Darečy, na svaich sajtach minčanin pakazvaŭ dva telefonnyja numary: adzin — dla kansultacyi pierad prodažam tavaru, druhi — dla pretenzij. Pa słovach pakupnikoŭ, datelefanavacca pa druhim numary telefona im tak i nie ŭdałosia.
Paviazki zamiest reśpirataraŭ mahli nabyć zvyš 300 čałaviek, a ahulnaja suma ŭronu moža skłaści bolš za 70 tysiač rubloŭ.
Raspačataja kryminalnaja sprava za machlarstva, padazravany znachodzicca ŭ izalatary.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary