Padčas naviedvańnia škłozavoda «Nioman» u Lidskim rajonie Alaksandr Łukašenka prakamientavaŭ reakcyju na palityku biełaruskich uładaŭ va ŭmovach pandemii. Siužet vyjšaŭ u efiry «BT-1».
«Vy bačycie, jaki cisk siońnia na Biełaruś i pierš za ŭsio na prezidenta. Užo tolki lanivy, paršyvy sabaka nie breša z-pad płota ŭ moj bok», — skazaŭ kiraŭnik dziaržavy.
«Ja zaŭsiody kažu: pačakajcie, pačakajcie, nie śpiašajciesia. Pryjdzie čas, my abmiarkujem i propuski, i samaizalacyju, i karancin, i kamiendanckuju hadzinu, što ad mianie patrabavali — uvieści kamiendanckuju hadzinu, karancin, začynić vas u vašych padvorkach tam, u chatach, kab naohuł nie vysoŭvali nos», — skazaŭ Łukašenka.
«My asiarodkava, kropkava pracavali, my nie išli frontam, akružajučy vaš pasiołak vydatny, zahaniajučy vas u chaty. Ja adrazu admoviŭsia ad takoha šlachu, za što siońnia i atrymlivaju, — adznačyŭ kiraŭnik dziaržavy. — U tym liku ŭ nas «śviadomych» chapaje ŭ Biełarusi, jakija za hrošy hatovyja maci rodnuju pradać. Ale my vytrymajem, i ja ŭ hetym absalutna ŭpeŭnieny. U nas nie zachłynułasia sistema achovy zdaroŭja».
Kamientary