U Łuninieckim rajonie ciaham sutak pamierła pažyłaja para. A ich syn i dačka — u balnicy
Statystyka pa karanavirusie ŭ adnym ź niespryjalnych rajonaŭ — vialikaja tajamnica, paviedamlaje Miedyja-Paleśsie.
Karespandent Miedyja-Paleśsia źviazaŭsia napiaredadni z abłasnym centram hihijeny i epidemijałohii. Tut prapanavali padać piśmovy zapyt. Pry hetym papiaredzili — praduhledžany dla adkazu zakanadaŭstvam termin — 14 dzion. Uličvajučy situacyju, paabiacali adkazać raniej.
Adnak viadoma, što 17 krasavika ŭ v.Rakitna pachavali siamiejnuju paru — muž i žonka stałaha ŭzrostu pamierli ŭ adny sutki: žonka ŭ balnicy, muž doma. Syn i dačka nie zmahli prysutničać na pachavańni — jany znachodziacca na lačeńni ŭ Łuninieckaj CRB.
Jak paviedamlałasia, Pinski rajvykankam rekamiendavaŭ ziemlakam nie naviedvać ŭ śviaty Łuniniecki rajon i ŭzmacniŭ pasty na ŭjeździe ŭ horad.
Kamientary