Naviedvańnie chramaŭ na Vierbnicu stała adnoj z pryčyn rostu zaražeńnia karanavirusam va Ukrainie

Naviedvańnie cerkvaŭ na Vierbnica (12 krasavika) stała adnoj z pryčyn rostu zachvorvańnia COVID-19 va Ukrainie, paviedamiŭ ministr achovy zdaroŭja krainy Maksim Ściapanaŭ, piša Interfax.by
«Rost vyjaŭlenych zachvorvańniaŭ za papiarednija dni abumoŭleny, u tym liku, tym, što, na žal, mała chto prytrymlivaŭsia našych rekamiendacyj adnosna taho, kab zastacca doma na Vierbnicu i nie naviedvać nabaženstvaŭ», — skazaŭ jon na bryfinhu ŭ niadzielu.
Ściapanaŭ adznačyŭ, što rost prajaŭ zachvorvańnia «byŭ na 4-5 dzień paśla taho, jak ludzi inficyravalisia, my adrazu ŭbačyli rost zachvorvańnia COVID-19».
U toj ža čas, Ściapanaŭ adznačyŭ, što jašče adnoj pryčynaj rostu vyjaŭlenych vypadkaŭ stała istotnaje pavieličeńnie kolkaści testavańniaŭ mietadam PCR.
«Za 10 dzion było kala 1000 PCR-testavańniaŭ, ciapier kala 5 tys. Tamu my vyjaŭlajem bolš ludziej z karanavirusam», — skazaŭ jon.
Kamientary