Kryptapłatforma Currency.com pieraviała $100 tysiač Ministerstvu achovy zdaroŭja i dała mahčymaść achviaravać kryptu
Kryptabirža Currency.com zapuściła akcyju «Dapamažy daktaram». Kampanija pieraviała 100 tysiač dalaraŭ Ministerstvu achovy zdaroŭja na baraćbu z karanavirusam i adkryła mahčymaść achviaravać kryptavalutu dla Ministerstva.
Kampanija stvoryć śpiecyjalny raździeł na svaim sajcie, dzie možna budzie ŭ režymie realnaha času adsočvać sabranuju sumu i ŭsie pieraličeńni.
Pieraličvać možna jak zvyčajnyja hrošy, tak i kryptavalutu. Dla hetaha treba:
- adkryć rachunak na Currency.com, na sajcie ci ŭ mabilnaj prahramie;
- pieravieści na jaho kryptavalutu abo zvyčajnyja hrošy (padtrymlivajucca kredytnyja kartki i inšyja zručnyja sposaby płaciažoŭ);
- kupić admysłovyja «karma» tokieny.
Taksama achviaravać hrošy možna, napisaŭšy paviedamleńnie ŭ słužbu padtrymki.
Karystalniki, jakija achviaravali kryptavalutu abo zvyčajnyja hrošy, atrymajuć admysłovyja «karma» tokieny. Usie srodki ad prodažu tokienaŭ buduć pieraličvacca na dabračynny rachunak, adkryty pa rašeńni Ministerstva achovy zdaroŭja.
— Balnicam mohuć spatrebicca dadatkovyja aparaty štučnaha dychańnia abo antyvirusnaja abarona, jakija mohuć vyratavać žyćci. Spadziajomsia, što krypta- i IT-supolnaści nie zastanucca ŭ baku ad situacyi, — prakamientavaŭ kiraŭnik kampanii «Karensi Kom Bieł» Alaksandr Šaŭčenka.
Biełaruś pieršaj u śviecie stvaryła mahčymaść achviaravać kryptavalutu dla baraćby z karanavirusam.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ4
Kamientary