Premjer Rasii Michaił Mišuścin padoŭžyŭ abmiežavańni na ŭjezd zamiežnikaŭ u Rasiju da stabilizacyi situacyi z karanavirusam, pry hetym zamiežnyja śpiecyjalisty dla absłuhoŭvańnia impartnaha abstalavańnia pryjazdžać u krainu zmohuć, paviedamlaje Interfax.by.
«Da 30 krasavika ŭklučna dla zamiežnych hramadzian dziejničaje abmiežavańnie na ŭjezd u našu krainu. Ja padpisaŭ rasparadžeńnie ŭrada ab praciahu hetaha terminu da taho času, pakul baraćba ź infiekcyjaj nie budzie zavieršana i epidemijałahičnaja situacyja nie palepšycca», — skazaŭ Mišuścin na pasiadžeńni prezidyuma kaardynacyjnaj rady pa baraćbie z karanavirusam u sieradu.
Tym nie mienš, jon dadaŭ, što «dla niekatorych katehoryj zamiežnych hramadzian abmiežavańni na ŭjezd buduć admienieny». U tym liku heta datyčycca śpiecyjalistaŭ, jakija viaduć naładku i techničnaje absłuhoŭvańnie impartnaha abstalavańnia. Miera pavinna źnizić niehatyŭny ŭpłyŭ abmiežavańniaŭ na dziejnaść rasijskaj pramysłovaści, u tym liku toj, što vyrablaje abstalavańnie dla baraćby z karanavirusam.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j22
Kamientary