Brusiel uviazaŭ vydzialeńnie Biełarusi dapamohi z vykanańniem rekamiendacyj SAAZ
Pra heta skazaŭ Žuzep Barel, vysoki pradstaŭnik EZ u zamiežnych spravach i palitycy biaśpieki, u interviju karespandentu «Svabody» Rykardu Juźviaku.
Adkazvajučy na pytańnie, ci zajava Alaksandra Łukašenki pra toje, što karanavirusnaja pandemija źjaŭlajecca nasamreč «psychozam», nie paŭpłyvaje na adnosiny Bruselu ź Mienskam, Barel adznačyŭ:
«Nie dalej jak na minułym tydni ja razmaŭlaŭ ź ministram zamiežnych spraŭ Biełarusi, spadarom Makiejem. I ja padkreśliŭ, što sumiesnaja praca ŭ ramkach šmatbakovaj systemy źjaŭlajecca najbolš efektyŭnym sposabam reahavańnia na karanavirusny kryzis. I ja taksama viedaju, što ŭłady Biełarusi ŭžo ciesna supracoŭničajuć z Suśvietnaj arhanizacyjaj zdaroŭja, ale taksama viedaju, što treba bolš. Takim čynam, ja zaklikaju ŭłady Biełarusi prytrymlivacca rekamendacyj Suśvietnaj arhanizacyi zdaroŭja adnosna praduchileńnia pandemii.
I kab dapamahčy im, my ŭžo kazali pra našu padtrymku, i ŭ hetuju padtrymku ŭvachodzić bolš za 60 miljonaŭ [eŭraŭ] dla systemy achovy zdaroŭja. Tak što my prynosim i prapanujem dapamohu. Ale ź inšaha boku, my prosim prytrymlivacca rekamendacyj Suśvietnaj arhanizacyi zdaroŭja adnosna pandemii. Niemahčyma, kab z adnaho boku prapanavali dapamohu, [a z druhoha] nie vykonvali rekamendacyj, jakija my realizujem u našych krainach i prosim usich vykonvać».
21 krasavika namieśnik staršyni Eŭrapiejskaj kamisii Žuzep Barel paviedamiŭ u razmovie ź ministram zamiežnych spraŭ Biełarusi Ŭładzimieram Makiejem, što Biełarusi pryznačajecca bolš za 60 młn eŭraŭ sa srodkaŭ, vydzielenych na prahramy dvuchbakovaha supracoŭnictva ŭ miežach hlabalnaj prahramy padtrymki ŭdzielnikaŭ Uschodniaha partnerstva. Raniej paviedamlałasia, što hetyja hrošy pojduć na nieadkładnyja i siarednieterminovyja patreby: naprykład, na kuplu aŭtamabilaŭ chutkaj dapamohi i reśpirataraŭ, a taksama na tranśmiežnyja prajekty.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary