Avijakampanija Ryanair skarocić praz karanavirus tysiačy piłotaŭ i ściuardes
Avijakampanija-łaŭkostar Ryanair abviaściła pra namier skaracić da 3 tysiač supracoŭnikaŭ u suviazi z «biesprecedentnym kryzisam» u avijacyi, da jakoha pryviała pandemija karanavirusnaj infiekcyi COVID-19, paviedamlaje RBK.
U spravazdačy Ryanair, raźmieščanaj na sajcie kampanii, adznačajecca, što jana nie adnović pieraloty ŭ narmalnym režymie, jak minimum, da lipienia 2020 hoda, a adnaŭleńnie popytu i koštaŭ da ŭzroŭniu 2019 hoda zojmie nie mienš za dva hady i adbudziecca nie raniej za leta 2022 hoda. U pieršym ža kvartale biahučaha finansavaha hoda (krasavik — červień 2020) Ryanair płanuje vykanać mienš za 1% ad zvyčajnaj kolkaści palotaŭ i pieravieźci 0,5% ad raniej zapłanavanaha liku pasažyraŭ. Pa vynikach hoda ŭ cełym pasažyrapatok, jak čakajecca, budzie na tracinu mienšy za płanavy.
U suviazi z hetym Ryanair maje namier pačać z prafsajuznymi arhanizacyjami kansultacyi pra skaračeńnie supracoŭnikaŭ. U dakumiencie padkreślivajecca, što skaračeńni zakranuć usie padraździaleńni avijakampanii, adnak, u pieršuju čarhu, piłotaŭ i ekipaž. Akramia taho, płanujecca da adnaŭleńnia pieralotaŭ prypynić pracu niekatorych baz kampanii ŭ aeraportach Jeŭropy, častku supracoŭnikaŭ adpravić u nieapłatnyja adpačynki, a inšym skaracić zarpłaty prykładna na 20%.
U adkazie asabliva adznačajecca, što skaračeńnie zarobkaŭ zakranie i mieniedžaraŭ kampanii. U pryvatnaści, kiraŭnik Ryanair Majkł O'liry, čyja zarpłata była zrezanaja ŭdvaja na krasavik — travień 2020 hoda, daŭ zhodu padoŭžyć źnižeńnie zarpłaty da kanca finansavaha hoda, jaki skončycca ŭ sakaviku 2021 hoda.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca16
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary