Palityk Mikałaj Statkievič z paplečnikami masava padajuć dakumienty ŭ CVK. Na Płoščy Niezaležnaści sabralisia kala 150 čałaviek.
Čytajcie taksama: Prychilniki Statkieviča masava padajuć zajavy na rehistracyju inicyjatyŭnych hrup: tolki pa abiedzie bolš za 10 čałaviek
Jon vyjšaŭ da žurnalistaŭ i skazaŭ, što ni adzin jaho kandydat podpisy zdavać nie budzie. Palityk miarkuje, što realnych vybaraŭ u krainie niama. A vybarčuju kampaniju možna vykarystać dla taho, kab narod moh lehalna źbiracca na vulicach i vykazvać svoj pratest.
Podpisy kamanda Statkieviča źbirać nie budzie, ale budzie vykarystoŭvać pikiety pa maksimumie.
Statkievič ličyć, što krainie treba viarnuć vybary, a ŭžo potym narod budzie vybirać taho, kaho jon choča.
Zaraz ža ludzi bajacca pakazvać aktyŭnaść, skazaŭ palityk.
«Ja dumaju, što zhraja adčuła, što važak sasłabieŭ», — tak Statkievič prakamentavaŭ udzieł u vybarčaj kampanii Viktara Babaryki i Valera Capkały.
Kandydaty Statkieviča pryjšli na sustreču sa značkami «Narodnaj Hramady». Aktyvisty razdajuć maski tym, u kaho ich niama.
Na płoščy ŭ spartyŭnych kaściumach znachodziacca cichary, usie ŭ maskach, siadziać na łaŭkach pa adnym.
Mikałaj Statkievič pradstaviŭ žurnalistam svaich «kandydataŭ pratestu». Sam jon byŭ biez maski, adnak adznačyŭ, što zrabiŭ heta tolki dla žurnalistaŭ, a tak palityk vieryć u surjoznuju niebiaśpieku karanavirusa.
Kala prystupak CVK Statkievič vykazaŭ padtrymku zatrymanym aktyvistam i błohieram. Akcyja pieratvaryłasia ŭ paŭnavartasny mitynh.
Taksama palityk vykazaŭsia za mirny masavy pratest jak formu palityčnaj baraćby. Jon zajaviŭ, što hatovy supracoŭničać z usimi, chto ličyć, što vybaraŭ u krainie ciapier niama. Mikałaj Statkievič bačyć vybary jak nahodu dla pratestaŭ, bo sa statusam kandydata ŭ prezidenty ludziej praściej sabrać na vulicy.
Kamientary